Марат Әхмәтов: Татарстанда 23 процент мәйданда сабан культуралары чәчелгән

11 май 2018 ел., җомга

Татарстан кырларында чәчү эшләре барышы турында бүген ТР Хөкүмәте Йортында узган республика киңәшмәсендә Татарстан Республикасы Премьер-министры урынбасары – авыл хуҗалыгы һәм азык-төлек министры Марат Әхмәтов хәбәр итте.

Киңәшмәне бөтен муниципаль районнар белән видеоконференцэлемтә режимында Татарстан Республикасы Президенты уздырды. Киңәмшә эшендә ТР Премьер- министры Алексей Песошин катнашты. 

Марат Әхмәтов хәбәр иткәнчә, бүген республика кырларында чәчү эшләре 400 мең гектар җирдә тәмамланган, ягъни планның 23 %. 

Фаразлаулар буенча май явым-төшемсез булачак. Җилле һава торышы бер тәүлектә гектардан йөзләгән тонна дымны ала. “Безгә мөмкин булган ысуллар белән дымлылыкны сакларга кирәк”, - диде министр.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования