ЯҢАЛЫКЛАР

Россия Энергетика министрлыгы Казан дәүләт энергетика университетына (КДЭУ) ярдәм итәчәк, чөнки бу тармак яхшы кадрларга мохтаҗ. Бу хакта бүген Россия энергетика министры Александр Новак ТР Премьер-министры Алексей Песошин белән КДЭУна килгәч хәбәр итте.

Бүгенгә Төркия компанияләре Татарстанга якынча $2 млрд. инвестиция керткән. Бүген бу хакта Татарстан Республикасы Президенты Рөстәм Миңнеханов Сәүдә-икътисадый хезмәттәшлек буенча Россия-Төркия катнаш хөкүмәтара комиссиясенең XV утырышында хәбәр итте. 

Чара Казанда «Корстон» КСККда узды. Утырышны хөкүмәтара комиссиянең Россия өлеше рәисе – РФ Энергетика министры Александр Новак һәм Төркия өлеше рәисе – Төркия Икътисад министры Нихат Зәйбәкҗи алып барды.

Татарстан Республикасы Президенты Сәүдә-икътисадый хезмәттәшлек буенча Россия-Төркия катнаш хөкүмәтара комиссиясенең XV утырышын уздыру урыны итеп Казанны сайлаган өчен Александр Новакка һәм Нихат Зәйбәкҗига рәхмәт белдерде.  

Бүген Татарстан Республикасы Президенты Рөстәм Миңнеханов Төркия Республикасының иъктисад министры Нихат Зәйбәкҗи белән очрашты. Очрашу Казан Кремлендә узды. Искәртик, Нихат Зәйбәкҗи Татарстан башкаласына Сәүдә-икътисад хезмәттәшлеге буенча Россия-Төркия катнаш хөкүмәтара комиссиясенең XV утырышында катнашу өчен килде.