ЯҢАЛЫКЛАР


20
ноябрь, 2017 ел
дүшәмбе

Бүген Татарстан Республикасы Президенты Рөстәм Миңнеханов Малайзиягә эш сәфәре белән килде. Кучинга шәһәре аэропортында Рөстәм Миңнехановны Малайзиянең Саравак штаты Транспорт министры Җериб Сусил һәм Россия Федерациясенең Малайзиядәге Гадәттән тыш һәм Тулы вәкаләтле Илчесе Валерий Ермолов каршы алды.  

Иртәгә Кучинг шәһәрендә Рөстәм Миңнеханов 13 нче Бөтендөнья ислам икътисадый форумында катнашачак һәм пленар утырышта чыгыш ясаячак. Моннан тыш, Татарстан Республикасы Президентының эш графигында берничә рәсми сөйләшү планлаштырылган, шул исәптән ул Малайзия Премьер-министры Нәҗиб Разак белән, Саравак штаты Губернаторы Абдул Тайб бин Мәхмүд һәм Саравак штатының Баш министры Абдул Рахман Җохари Опенг белән, Бөтендөнья ислам икътисадый форумы фонды җитәкчелеге Муса Хитам һәм башкалар белән очрашачак.

Бүген Хошимин шәһәренә (Вьетнам Социалистик Республикасы) эш сәфәре кысаларында Татарстан Республикасы Президенты Рөстәм Миңнеханов Сайгон югары технологияләр паркында (SHTP) булды.

Рөстәм Миңнехановны Россия Федерациясенең Хошиминдагы Генераль консулы Алексей Попов, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасы Премьер-министры урынбасары – Татарстан Республикасы мәгълүматлаштыру һәм элемтә министры Роман Шәйхетдинов, Татарстан Республикасы Президентының халыкара мәсьәләләр буенча киңәшчесе Радик Гыйматдинов, «ИТ-парк» югары технологияләр технопаркы» ДАУ директоры Антон Грачёв һәм башкалар озата йөрде. 

Бүген Татарстан Республикасы Президенты Рөстәм Миңнеханов Хошимин шәһәренең Халык комитеты Рәисе урынбасары Ле Тхань Лием белән очрашты. Очрашу Вьетнамга Татарстан Президентының эш сәфәре кысаларында Хошимин администрациясе бинасында узды. 

Очрашуда шулай ук Россия Федерациясенең Хошиминда Генераль консулы Алексей Попов,  ТР Премьер-министры урынбасары - сәнәгать һәм сәүдә министры Альберт Кәримов. ТР Премьер-министры урынбасары - мәгълүматлаштыру һәм элемтә министры Роман Шәйхетдинов, ТР Президенты Радик Гыйматдинов һәм башкалар катнашты.

Бүген Татарстан Республикасы Президенты Рөстәм Миңнеханов "Вьетнам-Татарстан" бизнес форумында катнашты. Форумда шулай ук шулай ук Россия Федерациясенең Хошиминда Генераль консулы Алексей Попов һәм Хошимин шәһәренең Халык комитеты Рәисе урынбасары Ле Тхань Лием катнашты. 

Бүген Татарстан Республикасы Президенты Рөстәм Миңнеханов Хошимин Сәүдә-сәнәгать палатасы генераль директоры урынбасары Нгуен Тхе Хынг һәм яңа билгеләнгән Россиядәге Вьетнам илчесе Нго Дук Ман белән очрашты. Очрашу Рөстәм Миңнехановның Вьетнамга эш сәфәре кысаларында узды. 


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International