ЯҢАЛЫКЛАР


12
февраль 2019 ел.
сишәмбе

Күп функцияле үзәкнең һәр офисында узган елдан башлап “Табылган документлар бюросы” эшли. Бүген бу хакта ТР Хөкүмәте йортында узган брифингта Татарстанның Күп функцияле үзәкләр (КФҮ) директоры Ленара Мозаффарова хәбәр итте.

Брифинг “КФҮгә яңа хезмәт күрсәтүне  гамәлгә кертү турында” темасына багышланган иде.

Бүген Татарстан Республикасы Премьер-министры Алексей Песошин һәм Кыргызстан Республикасы Президенты Аппараты җитәкчесенең беренче урынбасары Алмаз Кененбаев хезмәттәшлек һәм кайбер үзара эш юнәлешләре буенча фикер алыштылар.

Очрашу Татарстан Республикасы Хөкүмәте йортында узды.

Исегезгә төшерәбез, Кыргызстан Республикасы делегациясенең Казанга эшлекле очрашуга килде.


11
февраль 2019 ел.
дүшәмбе

Бүген Казанның Качалов исемендәге театрында бөек рус артисты Василий Качалов тууына 144 ел тулу уңаеннан театр музе  ачылу тантанасы узды.

Кунакларны театрның сәнгать җитәкчесе һәм директоры Александр Славутский каршы алды.

Тантанада Татарстан Республикасы Дәүләт Киңәшчесе, “Яңарыш” республика фондының Попечительлек Советы рәисе Минтимер Шәймиев, ТР Премьер-министры урынбасары Ләйлә Фазлыева, ТР Президенты Аппараты җитәкчесе урынбасары-ТР Дәүләт Киңәшчесе секретариаты җитәкчесе Олег Глебов, ТР Дәүләт Советының Мәгариф, мәдәният, фән һәм милли мәсьәләләр буенча комитеты рәисе Разил Вәлиев, ТР мәдәният министры Ирада Әюпова, шулай ук театр һәм музей җитәкчеләре катнашты.

Транспорт - Татарстан җитештерү инфраструктурасының әһәмиятле өлеше булып тора һәм халыкның көндәлек яшәешен тәэмин итә, республиканың социаль һәм икътисади максатларын тормышка  ашырырга ярдәм итә. Бу хакта ТР Транспорт һәм юл хуҗалыгы министрлыгының йомгаклау коллегиясе утырышында ТР Премьер-министры Алексей Песошин белдерде.

Утырыш “Корстон” мәйданчыгында узды. Анда РФ транспорт министры Евгений Дитрих, Россия Президенты ярдәмчесе Игорь Левитин катнашты.


9
февраль 2019 ел.
шимбә

Бүген Татартан Республикасы Хөкүмәте Йортында узган республика киңәшмәсендә ТР Премьер-министры урынбасары - авыл хуҗалыгы һәм азык-төлек министры Марат Әхмәтов кыр эшләренә техниканы әзерләү турында хәбәр итте. 

Киңәшмәне Татарстан районнары белән видеоконференция режимында Татарстан Республикасы Президенты Рөстәм Миңнеханов уздырды. Киңәшмә эшендә ТР Премьер-министры Алексей Песошин катнашты. 

Марат Әхмәтов сүзләренчә, чәчү кампаниясендә 11 мең трактор, 6 мең чәчкеч һәм культиватор, 650 чәчү комплексы катнашачак. 

 

Татарстан Республикасында 2019 елның 8 февраленә 261,9 мең кв. м. торак файдалануга тапшырылган, бу планның 9,8 %ы. Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы Төзелеш, архитектура һәм ТКХ министры Ирек Фәйзуллин хәбәр итте.   

Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Премьер-министры Алексей Песошин да катнашты.   


8
февраль 2019 ел.
җомга

Бүген Татарстан Республикасы Премьер-министры Алексей Песошин Россия урман хуҗалыгы киңәшмәсендә катнашты. Киңәшмә 2018 ел нәтиҗәләренә һәм 2019 елга куелган бурычларга багышланган иде.

Бу чара Казан Ратушасында узды. Киңәшмәне Россия табигый байлыклар һәм экология министры урынбасары - Федераль урман хуҗалыгы агентлыгы җитәкчесе Иван Валентик уздырды.

Яшел Үзән районы Татарстан тормышында билгеле урын алып тора һәм аның киләчәктәге үсеше өчен сизелерлек потенциалы бар. Бу хакта бүген Татарстан Республикасы Премьер-министры Алексей Песошин Яшел Үзән районы советы һәм Яшел Үзән шәһәре советының уртак утырышында белдерде.

Утырыш Яшел Үзән районының 2018 елдагы социаль-икътисади үсеш нәтиҗәләренә һәм 2019 елга куелган бурычларга багышланган иде.

Төп докладны Яшел Үзән районы башлыгы Александр Тыгин ясады.

Татарстан Республикасы Премьер-министры Алексей Песошин бүген Яшел Үзән районында булды.


7
февраль 2019 ел.
пәнҗешәмбе

Түбән Кама районы эре нефть химиясе производстволарын берләштерү үзәге булып тора. Шуңа да карамастан, хакимият бизнесның барлык төрләрен үстерүгә игътибар бирергә тиеш. Яңа предприятиеләр үсеше өчен “Түбән Кама” алгарышлы социаль-икътисади үсеш территориясе мәйданчык булырга тиеш, анда резидентлар санын арттырырга кирәк. Бу хакта Татарстан Премьер-министры Алексей Песошин район сессиясендә хәбәр итте. Сессия эшендә Түбән Кама районы башлыгы Айдар Метшин катнашты.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования