Рәсми Портал
ТР Рәисе
ТР Дәүләт Советы
ТР Хөкүмәте
Дәүләт хезмәт күрсәтүләре
ТР шәһәрләр һәм районнары
рус
тат
eng
Татарстан Республикасы
Хөкүмәте
рус
тат
eng
Сорау бирү
Хөкүмәт
Хөкүмәт турында
Татарстан Республикасы Премьер-министры
Татарстан Республикасы Хөкүмәте әгъзалары
Хакимият органнары Һәм оешмалар
Татарстан Республикасы Хөкүмәте тарихы
Чаралар
Документлар
ТР Хөкүмәте карарлары
ТР Хөкүмәте программалары
Отчетлар
Матбугат хезмәте
Яңалыклар лентасы
Фоторепортажлар
Видеорепортажлар
Пресс-релизлар
Гражданнар мөрәҗәгатьләре һәм аларны кабул итү
Бөтенроссия гражданнарны кабул итү көне
Контакт
Татарстан Республикасы Хөкүмәте
Татарстанда грипп һәм ОРВИ йоктыручыларның артуы күзәтелә
2015 елның 17 феврале, сишәмбе
Соңгы атнада республикада тын юлларының кискен вирус инфекциясе (ОРВИ) һәм грипп белән авыручылар 26 меңнән артык булган. Әлеге саннарны бүген ТР Министрлар Кабинетында уздырылган брифингта Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең ТР буенча идарәсе җитәкчесе – республиканың баш санитария табибы Марина Патяшина китерде.
Былтыр республикада 1 млн.нан артык кешегә гриппка каршы прививка ясалган. Узган елда авыруларның гомуми структурасында гриппның өлеше нибары 0,1 процент булган. Республикада яшәүче 135 кешегә "грипп" диагнозы куелган. Әмма бу тынычланыр өчен сәбәп түгел. Грипп – бик мәкерле авыру, чөнки ул катлаулы өзлегүләргә китерергә мөмкин, дип сөйләде Марина Патяшина. Аның сүзләренә караганда, былтыр әйтелгән фаразлар рас килгән: февральнең икенче яртысында, чыннан да, Россия территориясендә гриппның эпидемик күтәрелеше теркәлгән.
Татарстанда исә хәлләр яхшырак: әлегә республикада авыру эпидемия дәрәҗәсендә түгел. Шулай да, гыйнварның өченче атнасыннан авыручылар саны бермә-бер арткан. Соңгы атнада Яр Чаллыда 68 процентка, Яшел Үзәндә 44 процентка, Лениногорскида 42 процентка, Әлмәттә 40 процентка һәм Казанда балалар арасында 39 процентка эпидемия бусагасын узу күренеше күзәтелә. Шул сәбәпле, бу территорияләрдә авыруга каршы тиешле чаралар күрелә: дәвалау-профилактика учреждениеләрендә, социаль хезмәт күрсәтү объектларында медицина битлеге кию режимы кертелгән, йогышлы авыруларга каршы чаралар бермә-бер көчәйтелгән.
Республиканың баш санитар табибы әйтүенчә, тын юлларының кискен вирус инфекциясен (ОРВИ) һәм гриппны кисәтү максатыннан, республиканың кайбер муниципаль берәмлекләрендә мәктәпләр ябылган. Аерым алганда, хәзерге вакытта Әлмәт районының 6, Минзәлә районынының 1, Казанның 2 мәктәбендә дәресләр туктатылган. 14 урта белем бирү йортында аерым сыйныфлар ябылган: Казанның 13 мәктәбендәге - 22 сыйныф һәм Минзәлә районының 1 мәктәбендәге - 9 сыйныф. Авыручы яки дәрес калдыручы балаларның саны 25 проценттан артса, уку процессы атна-ун көнгә туктатыла, дип тәгаенләде Марина Патяшина һәм моның нәкъ менә профилактика чарасы булуын ассызыклады.
Соңгы атнада республикада респиратор вируска тикшерелгән кешеләрнең 14енә "грипп" диагнозы куелган. Бу елның гыйнвар аенда һәм хәзерге вакытта тын юлларының кискен вирус инфекциясе һәм грипп белән авыруларның күпчелеге парагрипп, "А/H3N2", "РС" вирусы, "В" төркеме гриппы вируслары аркасында килеп чыга, дип сөйләде Татарстанның баш санитария табибы. Ул әлеге авыруларга каршы профилактика чараларының заруриятен билгеләп узды. Иң беренче чиратта, дәвалаучы табиб киңәшләрен тотып, вируска каршы препаратлар, витаминнар, фитопрепаратлар кабул итәргә кирәк. Туклану рационына С витаминына бай ризыкларны кертү, саф һавада йөрү, тиешенчә йоклау, физик күнегүләр ясау да яхшы профилактика чарасы булып санала. Грипп һәм тын юлларының кискен вирус инфекциясе таралышы чорында кеше күп җыелган урыннарга барудан тыелып тору да авыру йоктырудан саклап калырга мөмкин, дип киңәш итте Марина Патяшина үзенең чыгышында.
“Татар-информ” МА
Бүлешү:
ВИДЕОРЕПОРТАЖНЫ КАРАУ
ВИДЕОРЕПОРТАЖ
ВИДЕОРЕПОРТАЖНЫ КАРАУ
ВИДЕОРЕПОРТАЖ
БАРЛЫК ЯҢАЛЫКЛАРНЫ УКУ
СОҢГЫ ЯҢАЛЫКЛАР
26
апрель, 2024 ел
Алексей Песошин Татарстан Республикасы телләре турындагы законнарны гамәлгә ашыру советы утырышын уздырды
Бүген Татарстан Премьер-министры Алексей Песошин Татарстан Республикасы Министрлар Кабинеты каршындагы Татарстан Республикасы телләре турындагы законнарны гамәлгә ашыру советы утырышын уздырды. Чара ТР Хөкүмәте Йортында узды.
25
апрель, 2024 ел
Рөстәм Нигъмәтуллин янгын куркынычсызлыгы сезонына әзерлек буенча киңәшмә үткәрде
Татарстан Республикасы Премьер-министрының беренче урынбасары Рөстәм Нигъмәтуллин янгын куркынычсызлыгы сезонына әзерлек буенча киңәшмә үткәрде. Чара ТР Хөкүмәте Йортында узды.
24
апрель, 2024 ел
ТР Хөкүмәте Йортында узган брифингта ТР Рәисе ярдәмчесе Олеся Балтусова «РЕБУС" форумы, «Том Сойер фест» планнары һәм Чаллы үзәген үзгәртергә керешергә теләве турында сөйләде
2024 елда «РЕБУС» форумы 14-15 ноябрьдә узачак, анда Кытай экспертлары катнашачак. Бу хакта бүген Татарстан Республикасы Хөкүмәте Йортында узган брифингта Татарстан Рәисе ярдәмчесе Олеся Балтусова хәбәр итте. Исегезгә төшерәбез, брифинг мәдәни мирас объектларын саклау темасына багышланган иде. Видеоконференцэлемтә режимында брифинг республиканың барлык муниципаль районнарына трансляцияләнде. Брифинг Халыкара һәйкәлләр һәм тарихи урыннар көненә багышланды (18 апрельдә билгеләп үтелә).
Иннополиста Россия венчур форумының «нуль" көне узды
Иннополиста Россия венчур форумының рәсми «нуль» көне тәмамланды, аның темасы – «Технологик эшкуарлык: югары компетенцияләр киңлеге». «Нуль көн» чараларында спикерлар һәм экспертлар, инвесторлар, стартаплар һәм венчур фондлары, Россиянең инновацион төбәкләре ассоциациясе, эре корпорацияләр һәм үсеш институтлары вәкилләре катнашты. Катнашучылар арасында Татарстан Республикасы Премьер-министры урынбасары Роман Шәйхетдинов та бар.
ЯҢАЛЫКЛАРГА ЯЗЫЛУ
ВИДЕОРЕПОРТАЖНЫ КАРАУ
ВИДЕОРЕПОРТАЖ
ВИДЕОРЕПОРТАЖНЫ КАРАУ
ВИДЕОРЕПОРТАЖ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз