ЯҢАЛЫКЛАР


22
июнь 2018 ел.
җомга

Татарстан Республикасы Премьер-министры Алексей Песошин бүген “2018 елда авыл хуҗалыгында урып-җыю эшләрен уздыруны тәэмин итү бурычлары турындагы” темага селектор киңәшмәсендә катнашты.

Киңәшмә Россиянең барлык төбәкләре белән видеоконференция режимында узды.

Аны Россия Федерациясе Хөкүмәте рәисе Дмитрий Медведев үткәрде.

Киңәшмәдә катнашучылар агымдагы вазгыять, уңышны җыеп алуга әзерлек, урып-җыю кампаниясе пролемалары турында фикер алыштылар.


21
июнь 2018 ел.
пәнҗешәмбе

Бүген бишенче чакырылыш Татарстан Республикасы Дәүләт Советының 39 нчы утырышында ТР Яшьләр эшләре һәм спорт министрлыгы ике профиль ведомствога – ТР Яшьләр эшләре министрлыгына һәм ТР Спорт министрлыгына үзгәртеп кору турында тәкъдим кертелде.   

Искәртәбез, элегрәк бу тәкъдимне Татарстан Республикасы Президенты Рөстәм Миңнеханов әйткән иде.   

Утырышта Татарстан Республикасы Премьер-министры урынбасары - Татарстан Республикасы Министрлар Кабинеты Аппараты җитәкчесе Шамиль Гаффаров бу мәсьәләнең күптән өлгергәнлеген билгеләп үтте.


20
июнь 2018 ел.
чәршәмбе

Халыкара футбол ассоциацияләре федерациясе (ФИФА) президенты Джанни Инфантино Казанга килде.

“Казан” халыкара аэропортында ФИФА президентын Татарстан Премьер-министры Алексей Песошин, ТР яшьләр эшләре һәм спорт министры Владимир Леонов каршы алды.


19
июнь 2018 ел.
сишәмбе

Моношәһәрләрне үстерү фонды 2018 елның 21 июнендә Чаллыда “Моношәһәрләрне үстерү академиясе” семинар-конференциясен уздырачак. Бу чарада Идел буе федераль округына кергән 13 төбәкнең 79 күп профильле муниципаль берәмлекләреннән 200 дән артык вәкиле катнашачак дип көтелә. Бу хакта Татарстан Министрлар Кабинетында узган брифингта ТР икътисад министры урынбасары Наталья Таркаева хәбәр итте.


15
июнь 2018 ел.
җомга

Татарстан Республикасы Премьер-министры Алексей Песошин бүген FISU Volunteer Leaders Academy халыкара форумында катнашучылар һәм кунаклар белән очрашты.

Искә төшерәбез, Казанда 2018 елның 14-22 июнендә FISU Volunteer Leaders Academy халыкара форумы уза.


13
июнь 2018 ел.
чәршәмбе

Бүген Татарстан Премьер-министры Алексей Песошин Футбол буенча дөнья чемпионатының  шәһәр матбугат үзәгендә булды. Аны  “Татмедиа” республика матбугат һәм массакүләм коммуникацияләр агентлыгы җитәкчесе Айрат Зарипов һәм Туризм буенча ТР Дәүләт комитеты җитәкчесе Сергей Иванов озата йөрде.

Санитар-экологик ике айлыкта 1 млн 168 мең татарстанлы  катнашты. Узган ел 1 млн 127 мең кеше катнашкан иде. Бу хакта ТР Хөкүмәте йортында узган брифингта ТР экология һәм табигый байлыклар министры Александр Шадриков хәбәр итте.


9
июнь 2018 ел.
шимбә

Татарстан Республикасы Премьер-министры Алексей Песошин 3нче Җылылык электр үзәген (ТЭЦ-3) файдалануга тапшыруга  50 ел тулуга багышланган чарада катнашты.

Тантана  “Пирамида” мәдәни күңел ачу үзәгендә узды.


6
июнь 2018 ел.
чәршәмбе

Бүген Министрлар Кабинетында республика вице-премьеры Ләйлә Фазлыева “Тоталь диктант”ны оештыручылар һәм “биш”ле билгесенә язучылар белән очрашты. Татарстан Яшьләр эшләре һәм спорт министрлыгы, Татарстан Мәгариф һәм фән министрлыгы Рәхмәт хатларын тапшырды.

“Сәнәгый Россиянең цифрлы индустриясе” конференциясе ел саен сәнәгать тармагы һәм дәүләт вәкилләре өчен көчле интеллектуаль мәйданчыкка әверелә бара. Бу хакта Татарстан Премьер-министры Алексей Песошин “Цифрлы трансформация. Технологик үсеш траекторияләре” пленар сессиясендә хәбәр итте.


ЯҢАЛЫКЛАРГА ЯЗЫЛУ
Copyright © 2003 — 2018
Татарстан Республикасы Министрлар Кабинеты
Яндекс цитирования