Рөстәм Миңнеханов РФ Президенты каршындагы Россия халык хуҗалыгы һәм дәүләт хезмәте академиясе проректоры белән алга таба хезмәттәшлек итү турында сөйләште

Бүген Татарстан Республикасы Президенты Рөстәм Миңнеханов РФ Президенты каршындагы Россия халык хуҗалыгы һәм дәүләт хезмәте академиясе ректоры урынбасары Иван Федотов белән очрашты.

ТР Хөкүмәт йортында узган очрашуда ТР Президенты ярдәмчесе Анатолий Краснов, ТР сәламәтлек саклау министры Айрат Фәррахов, ТР икътисад министры Мидхәт Шаһиәхмәтов һ.б. катнашты.

Яклар Татарстан Республикасының 2012 елның 18-21 гыйнварында узачак “Россия и мир: 2012-2020” халыкара фәнни-гамәли конференциясендә катнашу мәсьәләсе каралды. Конференцияне РФ Президенты каршындагы Россия халык хуҗалыгы һәм дәүләт хезмәте академиясе белән Е.Т.Гайдар исемендәге Икътисади сәясәт институты оештыра. Бу чара кысаларында якындагы 5-7 елда Татарстан Республикасы үсешенең стратегик ноктасына багышланган түгәрәк өстәл узар дип ниятләнә.

Искәртеп үтәбез, ТР Хөкүмәте белән РФ Президенты каршындагы Россия халык хуҗалыгы һәм дәүләт хезмәте академиясе республика министрлыклары һәм ведомстволары җитәкчеләре, кадрлар резервы вәкилләре өчен “Магистр государственно-общественного управления” һөнәри әзерлек буенча уртак программаны гамәлгә куя. Бүген очрашуда Рөстәм Миңнеханов белән Иван Федотов шул хакта да фикер алышты.