Хөкүмәт турында

Татарстан Республикасы Министрлар Кабинеты Татарстан Республикасы дәүләт хакимиятенең башкарма һәм боеру органы булып тора. Татарстан Республикасы Рәисе алдында җаваплы.

Татарстан Республикасы Министрлар Кабинеты министрлыкларны, Татарстан Республикасы дәүләт комитетларын һәм үз карамагындагы башкарма хакимиятенең башка органнарын берләштерә, эшләрен юнәлтә һәм аларның эшчәнлеген контрольдә тота.

Татарстан Республикасы Министрлар Кабинеты үзенең эшендә түбәндәге хокук документларына таянып эш итә:
 

• Татарстан Республикасы Конституциясе
• “Татарстан Республикасының 2009 елга бюджеты турында” 2008 елның 20 нче декабреннән 124-3РТ номерлы Татарстан Республикасы Законы
• “Татарстан Республикасының 2005 елга бюджеты турында” 2004 ел, 4 нче декабрь 60-3РТ номерлы Татарстан Республикасы Законы
• “Татарстан Республикасы Министрлар Кабинеты – Татарстан Республикасы Хөкүмәте эшчәнлеген оештыру мәсьәләләре турында” Татарстан Республикасы Президенты Указы
• “Татарстан Республикасы дәүләт хакимиятенең башкарма органнары турында” Татарстан Республикасы Законы
• “Татарстан Республикасы дәүләт хакимияте башкарма органнары структурасы турында” Татарстан Республикасы Президенты Указы
• “Татарстан Республикасы Министрлар Кабинеты - Татарстан Республикасы Хөкүмәте составына керә торган хезмәткәрләр исемлеге турында” Татарстан Республикасы Президенты Указы
• Татарстан Республикасы Министрлар Кабинеты Регламентын һәм Татарстан Республикасы Министрлар Кабинеты Аппараты – Татарстан Республикасы Хөкүмәте турында Нигезләмәне раслау турында 2005 ел, 5 нче декабрь, 563 номерлы Татарстан Республикасы Министрлар Кабинеты Карары

Татарстан Республикасы Министрлар Кабинеты үз компетенциясе кысаларында:
 

• министрлыклар, дәүләт комитетлары һәм Татарстан Республикасы башкарма хакимиятенең башка органнары турында нигезләмәләрне раслый, структураны һәм аппаратта хезмәт күрсәтчеләр санын билгели;
• Татарстан Республикасы башкарма хакимияте органнары җитәкчеләренең урынбасарлары вазыйфасына билгели һәм вазыйфадан азат итә; министрлыклар коллегияләре, дәүләт комитетлары һәм Татарстан Республикасы башкарма хакимиятендәге башка органнарның составын раслый;
• хәзерге Законга башкарма властеның җирле һәм республика органнарын оештыру тәртибен һәм аларның эшчәнлеген билгели; алар хезмәтләренә түләү күләмен һәм нормативларны карап урнаштыра;
• Татарстан Республикасы Министрлар Кабинеты башкарма хакимиятнең республика органнары кабул иткән норматив хокукый актларның (ведомствога караган норматив хокукый актлар) федераль законнар җыелмасына, Татарстан Республикасы Конституциясенә, Татарстан Республикасы законнарына, Татарстан Республикасы Рәисе һәм Татарстан Республикасы Министрлар Кабинеты кабул иткән хокукый актларга туры килүен күзәтеп тора.