Илдар Халиков төзелеп бетмәгән объектлар буенча киңәшмә үткәрде

Бүген Татарстан Республикасы Президенты вазыйфаларын башкаручы – Татарстан Республикасы Премьер-министры Илдар Халиков өлешләп түләү төзелешендәге проблемалы объектлар эшен төгәлләү мәсьәләләренә багышланган киңәшмә үткәрде.
 Киңәшмә ТР Хөкүмәт йортында видеоконференцияэлемтә режимында республиканың муниципаль районнары белән узды.
 Илдар Халиков ТР Президенты тарафыннан проблемалы объектлар төзелешен 2013 елның 1 гыйнварына кадәр төгәлләү бурычы куелуын искәртте. Ул шулай ук күп кенә объектлар проблемаларын чишү юллары табылуын белдерде. Ул муниципаль берәмлекләр башлыкларына мөрәҗәгать итеп, дәүләт кризислы вәзгыятьтә өлешләп түләү төзелешендә катнашучы гражданнар белән төзүче компанияләр арасындагы мәсьәләләрне хәл итү карарын кабул итте дип билгеләп үтте. Төзелеп бетмәгән торак проблемасы Казанда, Әлмәттә, Чаллыда, Түбән Камада бар. Без хәл итү юлларын табарга тиеш, диде Илдар Халиков. Аның сүзләренә караганда, проблемалы объектлар төзелеше тәмамлану белән өлешләп түләү төзелешендә катнашкан гражданнар тарафыннан таләпләр белдерелә башлаган. Аерым алганда, кайберләре тәкъдим ителгән вариантлардан канәгать түгел. ТР Премьер-министры муниципаль берәмлек башлыкларын тәкъдим ителгән фатирлардан баш тарткан гражданнар дәүләт ярдәм итәргә әзер булган исемлектән төшереп калдырачак дип аңлатуны сорады.
 Илдар Халиковка Казанда төзелеп бетмәгән проблемалы объектлар исемлегенә кертелгән 28 торак йорт турында белдерделәр.
 Видеоконференцияэлемтә кысаларында ТР Премьер-министрына Чаллыдагы (5йорт) һәм Түбән Камадагы (2 йорт) вәзгыятьне белдерделәр.
 Илдар Халиков муниципаль берәмлекләр башлыкларына төзелеп бетмәгән объектлар проблемаларын чишү белән активрак шөгыльләнергә чакырды.
 Киңәшмәдә Татарстан Республикасы прокуроры Кафил Әмиров, ТР Президенты каршындагы Дәүләт торак төзелеше фондының башкаручы директоры Тәлгать Абдуллин чыгыш ясады.