“М-7” индустриаль паркы директоры: “Без бу мәйданны 3 ел дәвамында үзләштерергә әзер”

Бүген ТР Президены Рөстәм Миңнеханов “М-7” индустриаль паркында булды. Паркның җитештерү мәйданчыкларын республика башлыгы белән бергә ТР вице-премьеры – ТР сәнәгать һәм сәүдә министры Равил Зарипов, ТР Инвестицион үсеш агентлыгы җитәкчесе Линар Якупов, ТР Яшел Үзән башлыгы Сергей Батин һ.б. карады.

Элек Рөстәм Миңнеханов полиэтилен торбаларны эретеп ябыштыру өчен станоклар җитештерүче “Волжанин” ҖЧҖ булды. Завод директоры Ярослав Живикин республика башлыгына ТР буенча станоклар сату күләме РФнең башка төбәкләренә караганда аз гына түбәнрәк, ә гомумән соңгы 2,5 елда сату күләме 5 тапкыр артты дип белдерде.

“Сезнең бурыч 5 елда җитештерү һәм сату күләмен 1 млрд. сумга кадәр күтәрү, ярдәм кирәк булса булышырбыз”, - диде ТР Президенты завод директорына мөрәҗәгать итеп. Ярослав Живикин үз чиратында Рөстәм Миңнехановка теләсә нинди ярдәм өчен дә рәхмәтле булачакларын белдерде.

Директор заводы республика башлыгына заводта җитештерә торган станокның кечерәйтелгән күчерелмәсен һәм Универсиада объектлары төзелеше белән шөгыльләнүче оешмаларга эретеп ябыштыру җиһазы алуга сертификат тапшырды.

Аннары ул "Мультипласт" ҖЧҖ заводында булды. Бу предприятие агач-полимер композиты җитештерү белән шөгыльләнә. Респубика башлыгына әзер продукцияне, һәм производствоны күрсәттеләр. Рөстәм Миңнеханов предприятие җитәкчелегенә төзелеш институтлары, проект оешмалары, тармак ведомстволары, Универсиада объектлары һәм мәгариф учрежениеләре белән эшләргә тәкъдим итте. "Мультипласт" ҖЧҖ директоры Универсиадага әзерлек һәм үткәрүгә өлеш кертү өчен предприятиедә җитештерелгән 200 кв. м. тактага сертификат тапшырды.

Шулай ук ТР Президенты “МХ-Автоспорт” спорт клубында булды, анда шөгыльләнүче яшьләр белән аралашты.

Соңрак Президентка “М-7” индустриаль паркы тәкъдим ителде һәм аның үсеш перспективалары буенча фикер алыштылар. “М-7” индустриаль паркы директоры Руслан Хәлилов бу проект “Фонд прямых инвестиций” ҖЧҖ компаниясе тарафыннан эшләнгән дип сөйләде. Ул 38 га мәйданны били, анда производство, склад, офис, сәүдә-күргәзмә мәйданчыклары, лаборатория һәм уку үзәкләре һ.б. урнашкан. Парк территориясендә коммуналь-көнкүреш инфраструктура объектлары, администрация бинасы һәм йөк машиналары өчен автостоянкалар бар.

“Без әлеге мәйданчыкны 3 елда үзләштерергә ниятлибез. 2016 елда бу паркны 30 резидент белән тулыландырырга планлаштырабыз”,- диде ул.

Руслан Хәлилов сүзләренә караганда, парк белән “Техстрой” кебек эре компанияләр дә кызыксына, әмма аларга зур мәйдан кирәк.

2012 елда инженер челтәрләрен үстерү ниятләнә, ә 2013 елдан башлап, паркта полимер һәм металл эшкәртү, машина төзелешенә юнәлдерелгән индустриаль мәйданчыклар һәм сәнәгать предприятиеләре булдыру каралган.

Гомумән алганда, Рөстәм Миңнеханов биредә күргәннәрдән канәгать калды.