Казанда Ан-70 самолеты җитештереләчәк

“Горбунов исемендәге Казан авиация-җитештерү берләшмәсе” территориясендә Ан-70 хәрби-транспорт самолетын җыю буенча яңа завод төзергә планлаштырыла. Бу хакта принципиаль карар бүген стратегик авиация үсеше мәсьәләләре буенча киңәшмәдә РФ Премьер-министры Дмитрий Медведев тарафыннан кабул ителде. Бу хакта журналистларга киңәшмә ахырында РФ оборона министры Анатолий Сердюков хәбәр итте. Ул кораллану дәүләт программасында 2020 елга кадәр шундый 60 самолет сатып алу каралганлыгын әйтте. Хәзер әлеге модель Украинада гына ясала.
Оброна министрлыгы Россия җитештергән самолетларны инде якындагы 2-3 елда сатып ала башларга планлаштыра. Бүгенге көнгә кадәр мондый самолетларның кайда ясалачагы билгеле түгел иде.
А.Сердюков сүзләренә караганда, “Горбунов исемендәге Казан авиация-җитештерү берләшмәсе” территориясендә төзергә планлаштырылган завод бигрәк тә заманча булырга тиеш. Төзелеш өчен төп инвестицияләр федераль бюджеттан биреләчәк.
“Федераль максатчан Оборона сәнәгать комплексын үстерү программасы кабул ителде, анда Ан-70 не җитештерүгә дә, “Горбунов исемендәге Казан авиация-җитештерү берләшмәсе”н дә яңартырга акчалар каралган. Без бу акчаларны аккумуляцияләргә һәм яңа заманча завод төзергә була дип саныйбыз. Шуның белән без чыгымнарны киметергә тырышырбыз”, - дип хәбәр итте Анатолий Сердюков.