Рөстәм Миңнеханов Петербург халыкара икътисади форумның эшлекле иртәнге ашында катнашты

Бүген ТР Президенты Рөстәм Миңнеханов Санкт-Петербургта эшлекле иртәнге ашта катнашты, аны Саклык банкы һәм Бөтендөнья икътисад форумы оештырды.
Чара “Астория” кунакханә-отелендә Петербург халыкара икътисади форум кысаларында узды (2012 елның 21-23 июне).
Исегезгә төшерик, Рөстәм Миңнеханов җитәкчелегендә ТР делегациясе форум эшендә катнашу өчен Санкт-Петербургта.
Бүгенге эшлекле иртәнге ашның модераторы булып, Саклык банкы идарәсе рәисе Герман Греф чыгыш ясады, сөйләшү өчен “Яңа хөкүмәтнең иске повесткасы... Уңыш өчен мөмкинлекләр?” темасы сайланган.
Чарада катнашучыларны сәламләү сүзе белән Бөтендөнья икътисади форумны оештыручы һәм аның президенты - Клаус Шваб чыгыш ясады.
Эшлекле иртәнге аш вакытында федераль министрлар, эш даирәләре вәкилләре, региональ түрәләр дәүләт идарәсе мәсьәләләренә, Россия Хөкүмәтенең яңа составы алдында торган мәсьәләләргә, гражданнарның мөмкин кадәр максималь рәвештә хәлен яхшыртуны тәэмин итү мәсьәләренә, икътисадта инфляцион процессларга, коррупция проблемаларына, транспорт инфраструктурасының үсешенә һәм башка шундый мәсьәләләргә кагылдылар.
Эшлекле иртәнге ашта РФ Хөкүмәте Рәисенең беренче урынбасары Игорь Шувалов булды.