Рөстәм Миңнеханов “Делойт” компаниясе вәкилләре белән очрашты

Бүген Санкт-Петербургта ТР Президенты Рөстәм Миңнеханов "Делойт" (Deloitte) компаниясе вәкилләре белән очрашты. Очрашу Петербург халыкара икътисади форумы ("Ленэкспо") кысаларында узды.
Компания җитәкчелеге ТРның консалтинг хезмәт күрсәтү базарында булырга һәм шулай ук Казанда офис ачарга теләге булуын белдерде. Рөстәм Миңнехановка "Делойт" компаниясе "Татнефть" ААҖ, "КАМАЗ" ААҖ эре сәнәгать компанияләре белән хезмәттәшлек итүен хәбәр иттеләр.
Әңгәмә вакытында республика башлыгы Татарстанда "ПрайсвотерхаусКуперс", "Эрнст энд Янг" һәм башка халыкара компанияләр үз бизнесларын алып баруларын, һәм конкурентлыкның хуплануын билгеләде. “Мин ачык конкурентлык яклы”, - диде Рөстәм Миңнеханов.
Белешмә өчен:
«Deloitte Touche Tohmatsu Limited» (Делойт Туш Томацу Лимитед; Россиядә «Deloitte»/Делойт брендын куллана) – профессиональ хезмәт күрсәтүче халыкара компания.
“ПрайсвотерхаусКуперс” белән берлектә Эрнст энд Янг һәм КПМГ аудитор компанияләрнең “зур дүртлегенә” керә. Аудит өлкәсендә хезмәт күрсәтүдән тыш, Делойт дөньяның алдынгы компанияләренә консалтинг хезмәтен күрсәтүче иң эре фирмаларның берсе булып тора. 2011 елда «Deloitte Touche Tohmatsu Limited» 31 майда тәмамланган финанс елында 28,8 миллиард доллар кереме белән дөньяның профессиональ хезмәт күрсәтү базарында лидер булды.