Бабич: «Казандагы җинаятьне террорлык акты буларак карыйбыз”

Бүген Казанда кылынган җинаять террорлык акты буларак карала. Бу хакта бүген Казанда журналистларга РФ Президентының Идел буе федераль округындагы Тулы вәкаләтле вәкиле Михаил Бабич Диния нәзарәтенең уку-укыту бүлеге җитәкчесе Вәлиулла Якупов үтерелү һәм ТР мөфтие Илдус Фәизовка һөҗүм ясалу фактын шәрехләде.
Искәртеп узабыз, ТР да хокук тәртибе урнаштыру буенча координацион киңәшмә узды. Утырышта РФ Президентының Идел буе федераль округындагы Тулы вәкаләтле вәкиле Михаил Бабич, ТР Президенты Рөстәм Миңнеханов катнашты.
“Киңәшмәдә сүз җинаятьне тикшерү барышы турында барды. Көч структуралары җитәкчеләре нинди эшләр башкарулары, нинди версияләр булуы, нинди чаралар күрелүе хакында белдерде, - дип билгеләп үтте Бабич. – Моннан тыш якын арада, кыска вакытта нинди чаралар күрергә кирәклеге турында сүз барды, җинаять кайнар эзләр буенча ачылмаса да, шик астына алынучылар булу зарур. Алардан сорау алып эшне ахырына кадәр җиткерү мөмкин”.
“Төрле версияләр турында әйтмим. Бары тик Җинаять эше “Үтерү” һәм “Террорлык акты” маддәләре буенча кузгатылды дип кенә әйтә алам. Барлык оператив-тикшеренү чаралары закон буенча планлаштырылачак”, дип ассызыклады Тулы вәкаләтле вәкил.