Илдар Халиков салым органнары хезмәткәрләрен һөнәри бәйрәм белән тәбрикләде

Бүген ТР Премьер-министры Илдар Халиков РФ Дәүләт салым хезмәте хезмәткәре көне уңаеннан, котлау юллады.

“Хөрмәтле салым органнары хезмәткәрләре!

ТР Хөкүмәте исеменнән һәм үз исемемнән сезне һөнәри бәйрәмегез - РФ Дәүләт салым хезмәте хезмәткәре көне белән котлыйм.

Сез 20 ел инде барлык дәрәҗә бюджетларына салым түләүләрен җыю буенча мөһим һәм җаваплы эшне башкарасыз.

Салым хезмәте хезмәткәрләренә йөкләнгән эшнең мөһимлеге - бәхәссез.

Сезнең эшегезгә илдәге стабильлек, дәүләт икътисады үсеше, инвестицион җәлеп итүчәнлекнең үсеше һәм башка бик күп икътисади һәм социаль программалар бәйле.

Бүген салым хезмәте - иң югары оештырылган һәм нәтиҗәле эшләүче дәүләт структураларының берсе. Ул үз эшендә заманча информацион технологияләргә һәм программаларга таяна, динамик рәвештә үсә.

ТР салым хезмәте эшчеләренең югары профессиональлеген һәм зур җаваплылыгын билгеләп үтәсе килә. Сез бюджетның керем өлешен арттыруга, республикабыз үсеше һәм чәчәк атуы өчен финанс базасын булдыруга әһәмиятле өлеш кертәсез.

Сезгә алдагы эшегездә уңышлар, үзсүзлелек һәм үҗәтлек телим. ТР салым органнары хезмәткәрләре дәүләт мәсьәләләрен чишкәндә, барлык яңалыкны һәм прогрессивны куллану буенча алддынгы позицияләрдә булыр, дип ышанам.

Сезгә һәм якыннарыгызга нык сәламәтлек, бәхет, иминлек һәм уңышлар телим!”, - диелә ТР Премьер-министрының котлау сүзендә.