Татарстан Республикасы Хөкүмәте

Минтимер Шәймиев Владимир Путин белән очрашуда катнашты

2012 елның 10 декабре, дүшәмбе

Бүген Татарстан Республикасы Дәүләт киңәшчесе Минтимер Шәймиев Россия Президенты Владимир Путинның аны сайлау кампаниясе чорында актив яклаучы ышанычлы вәкилләре белән очрашуында катнашты.

Искәртеп узабыз, 2012 елның мартында узган президент сайлаулары алдыннан февральдә Минтимер Шәймиев РФ Президенты вазыйфасына кандидат Владимир Путинның ышанычлы вәкиле итеп билгеләнде.

Бүгенге очрашу 12 декабрьгә билгеләнгән РФ Президентының Федераль җыенга еллык юлламасын белдерү алдыннан узды. Владимир Путин билгеләп үткәнчә, ул очрашуда күтәрелгән мәсьәләләрне юлламасында билгеләп үтәргә ниятли.

Очрашуда дәүләт башлыгының сайлау алды программасын гамәлгә ашыру барышы буенча фикерләштеләр. Россия Президенты ышанычлы вәкилләренең күпсанлы сорауларына җавап бирде.

Элек ышанычлы вәкилләр институты сайлау алды кампаниясе вакытында гына эшләгән. Владимир Путин аны президент срогы буена сакларга һәм киләчәктә елга ике тапкыр ышанычлы вәкилләре белән очрашырга карар иткән.

Президентның ышанычлы вәкилләре исемлегенә төрле төбәкләрдән, шул исәптә иҗтимагый оешмалардан, иҗат вәкилләре, танылган фән эшлеклеләре, спортчылар, журналистлар, табиблар һәм башка һөнәр вәкилләре белән бергә 550гә якын кеше кергән.

Очрашуда шулай ук Президентлыкка кандидат Владимир Путинның ышанычлы вәкиле булган Казан (Идел буе) федераль университеты ректоры Илшат Гафуров та катнашты.

ТР Президенты матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

ТР экология һәм табигый байлыклар министры Азат Җиһаншин санитар-экологик ике айлыкның арадаш йомгакларын тәкъдим итте

Бүген Татарстан экология һәм табигый байлыклар министры Азат Җиһаншин Татарстан Республикасы Хөкүмәте Йортында узган киңәшмәдә санитар-экологик ике айлыкның арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов уздырды, видеоконференцэлемтә режимында киңәшмәдә республиканың барлык муниципаль районнары катнашты.

Татарстанда 24 муниципалитетта 296 күп фатирлы йортка капиталь ремонт ясауга керешкәннәр, барлыгы 706 күп фатирлы йортка ремонт ясалачак

Татарстан Республикасында 24 муниципаль берәмлектә 296 күп фатирлы йортка капиталь ремонт ясауга керешкәннәр. Быел 41 муниципаль берәмлектә барлыгы 706 күп фатирлы йортка капиталь ремонт ясалачак. 6 муниципаль берәмлектә 44 йортта 99 лифт алмаштыру каралган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне Татарстан Рәисе Рөстәм Миңнеханов үткәрде. Бүген киңәшмәдә Еврей автономияле өлкәсеннән (ЕАӨ) коллегалар катнаша – бу өлкәдән делегация тәҗрибә уртаклашу өчен республикага эш сәфәренә килгән.

апрель, 2026 ел

Казанга Кытай Халык Республикасы Оборона министры Дун Цзюнь килде

Бүген Казанга Кытай Халык Республикасы (КХР) Оборона министры дун Цзюнь килде. Г. Тукай исемендәге «Казан» халыкара аэропортында кунакны Татарстан Республикасы Премьер-министры Алексей Песошин, КХРның Казандагы Генераль консуллыгы вәкилләре, башка рәсми затлар каршы алды.

ТР Хөкүмәте Йортында ТР телләре турындагы законнарны гамәлгә ашыру советы һәм Габдулла Тукайның 140 еллыгын бәйрәм итү буенча оештыру комитетының уртак утырышы узды

Бүген Татарстан Республикасы Хөкүмәте Йортында Татарстан Республикасы Министрлар Кабинеты каршындагы Татарстан Республикасы телләре турындагы законнарны гамәлгә ашыру советының һәм Габдулла Тукайның тууына 140 ел тулуны бәйрәм итүгә әзерлек һәм аны үткәрү буенча оештыру комитетының уртак утырышы узды. Утырышны Татарстан Республикасы Премьер-министры Алексей Песошин алып барды.

ЯҢАЛЫКЛАРГА ЯЗЫЛУ