ТР Хөкүмәт йортында Казан үзәгендәге яңа төзү проектлары турында фикер алыштылар.

2013 елның 1 феврале, җомга
Бүген ТР Хөкүмәт йортында киңәшмәдә катнашучылар Казанның тарихи үзәгендә ун төзү проектын карап чыктылар. Киңәшмәне Татарстан Президенты Рөстәм Миңнеханов үткәрде. Киңәшмә барышында, тәкъдим ителгән проектларның шәһәрнең тарихи йөзенә туры килүе тикшерелде.
Тәкъдим ителгән проектлар арасында – Бутлеров һәм Маяковский урамнары чатында урнашкан бина, анда элек медицина хезмәткәрләренең Мәдәният йорты урнашкан булган. Инвестор уйлавынча, элеке тышкы кыяфәтендә торгызылучы бинада очсыз кунакханә урнаштырылачак. Тагын бер проект – Зур Кызыл урамында урнашкан хореография училищесының дүрт катлы интернат бинасы.
Кайбер проектлар тикшерүгә алдагы киңәшмәләрдә әйтелгән кимчелекләрне шактый үзгәрткәннән соң тәкъдим ителде, шул исәптән яшелләндерү мәйданын киңәйтү һәм скверлар булдыру турындагы проект. Кайбер очракларда инвесторлар яңа объектларны төзүдән тыш, югала баручы тарихи биналарны торгызу бурычын да үз өсләренә алганнар.
Тикшерелгән 10 объектның 8 буенча киңәшмәдә катнашучылар уңай карар кабул иттеләр. Калган ике проектның авторларына аларны әйтелгән күрсәтмәләр нигезендә эшләп бетерергә тәкъдим ителде.
ТР Президентының матбугат хезмәте. Михаил Миронов.
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International