Татарстан Президенты ТР Яшьләр эшләре ,спорт Һәм туризм министрлыгының йомгаклау коллегиясендә катнашты

ТР Яшьләр эшләре,спорт һәм туризм министрлыгының эш нәтиҗәләре хакында министр Рафис Борһанов доклад ясады.
2012елда берничә зур яшьләр форумнары булып узды,шуларның иң зурысы халыкара белем бирә торган “Сәләт” форумы булды.Анда 3 меңнән артык сәләтле яшьләр катнашты.
2012елда 190 спорт объекты файдалануга тапшырылды,һәм аларның гомуми саны Татарстанда 9300кадәр җитте,-дип белдерде министр.
Р.Борһанов әйтүенчә,мөмкинлекләре чикләнгән кешеләргә зур игътибар бирелә.Ел йомгаклары буенча спорт белән шөгыльләнүче инвалидларның саны якынча 15 мең кеше .
2012 ел,Р. Борһанов сүзләренә караганда,республикада туризмның үсеше өчен дә уңышлы булган.9 ай эчендә 2012 елда туризмның үсеше 12,6% тәшкил итә.
Р.Борһанов үзенең чыгышын тәмамлап,республика бюджетының үтәлеше министрлык тармаклары буенча 2,3млрд тәшкил итте, бюджеттан тыш чыганаклардан 195млн сум өстәлде,-дип белдерде.
Татарстан Президенты Рөстәм Миңнеханов коллегиягә нәтиҗә ясап,булачак студентлар Уеннары республикабыз һәм илебез өчен мөһим вакыйга булып тора ,-дип басым ясады.”Универсиада аркасында,без мөгаен,15-20 ел эчендә дә чишә алмаган мәсьәләләрне хәл итәбез.Инфраструктура үсеш ала,аэропорт яңартылган,яңа метро станцияләре төзелә,-дип искәртте ТР Президенты.Универсиада белән бергә кешеләр үзләре дә үзгәрәләр.Уеннардан соң да бездә яңа шәһәр булачак,яшәү өчен җайлырак һәм кызыклырак.”
Рөстәм Миңнеханов спорт өлкәсендә яңа спорт объектларын нәтиҗәле файдалану кирәклегенә игътибар итте.”Һәр объект ниндидер табыш китерергә,спортчыларны тәрбияләргә ,анда белгечләр эшләргә тиеш.Һәм шуңа күрә һәрбер спорт корылмасы буенча объектив бәя булырга тиеш”,-дип белдерде Р.Миңнеханов.
Татарстан Президенты фикеренчә,иң мөһим мәсьәлә булып кадрлар әзерләү тора.”Без бик зур заманча комплекс-Спорт һәм туризм академиясен төзедек,һәм ул активрак эшләргә,федераль дәрәҗәдәге үзәк булырга тиеш”,-дип саный Р.Миңнеханов.
Р.Миңнеханов якындагы елларга Татарстанда спорт инфраструктурасы үсешенең яңа юнәлешен билгеләде.”Зур спорт объектларыннан тыш, без спорт белән массакүләм шөгыльләнү өчен спорт мәйданчыклары төзергә тиешбез.Һәрбер ишегалдына барып җитәргә кирәк.Һәм бу безнең муниципалитетлар белән уртак эшебез,-диде ТР Президенты.
“Сезнең командага рәхмәт белдерәсем килә,-дип мөрәҗәгать итте Татарстан Президенты Яшьләр эшләре,спорт һәм туризм министрлыгы хезмәткәрләренә.Хәзер безнең алда бик зур бурыч-Универсиада уздыру тора,һәм мин ышанам,без аны бергә лаеклы итеп башкарырбыз.”