Рөстәм Миңнеханов:”Экологияне яхшырту өчен җәмгыятьнең бу мәсьәләгә мөнәсәбәтен үзгәртү кирәк”

Бүген Татарстан Президенты Рөстәм Миңнеханов ТР Экология һәм табигый байлыклар министрлыгының йомгаклау коллегиясендә булды.Коллегия эшендә шулай ук Россия Экология һәм табигый байлыклар министры Сергей Донской ,Федераль су ресурслары агентлыгы җитәкчесе Марина Селиверстова катнашты.
ТР Экология һәм табигый байлыклар министрлыгының 2012елдагы йомгаклау эшләре һәм 2013 елга куелган бурычлары турында министрлыкның җитәкчесе Артем Сидоров доклад ясады. Ул искәрткәнчә,2013ел Россиядә Әйләнә- тирә мохитне саклау елы,ә Татарстанда- Экологик культура һәм әйләнә-тирә мохитне саклау елы, дип игълан ителгән.
Артем Сидоров предприятиеләрнең зарарлы калдыкларын киметү чаралары турында хәбәр итте.Сөйләшүләр нәтиҗәсендә “Нэфис косметикс”компаниясе 2013елның 1нче гыйварыннан җитештерүдә зарарлы чимал куллануны туктатырга сүз бирә.
Казан мэры Илсур Метшин Казанда “Яшел рекорд”проекты нәтиҗәсендә яшеллекнең 50мең агачка артуын белдерде.Бу проект быел яз көне дәвам итәчәк диде.
Илсур Метшин шулай ук РФ Экология һәм табигый байлыклар министрына Самосырова чүплеге проблемасын хәл итүдә федераль ярдәм сорап мөрәҗәгать итте.
РФ Экология һәм табигый байлыклар министры Сергей Донской “Татарстанга игътибарны җәлеп итүе өчен Рөстәм Миңнехановка рәхмәт әйтәсе килә,без даими рәвештә проблемалар хакында фикер алышабыз,Һәм бу масштаблы проектларны нәтиҗәле гамәлгә ашыруга мөмкинлек бирә”,-дип белдерде.
Татарстан Президенты Рөстәм Миңнеханов коллегиядә катнашучыларга рәхмәтен белдерде.”Татарстанда гамәлгә ашырылучы күп проектлар федераль үзәк белән бергә алып барыла.Һәм бу проектлар инде уңай нәтиҗә бирә,-диде ул.-Бу табигатьне саклау чаралары да,Болгар һәм Зөяне яңадан торгызу һәм Казанны инженерлык саклау да.”
“Экологияне яхшырту өчен җәмгыятьнең бу мәсьәләгә мөнәсәбәтен үзгәртү кирәк.Олыларны үзгәртү кыенрак,ә балалар безнең киләчәгебез.Шуңа күрә балаларда табигатькә сакчыл караш тәбияләүнең роле зур”,-дип басым ясады Р Миңнеханов.