Рөстәм Миңнеханов Себер федераль университетының Сканерлау һәм цифрлы фотматка күчерү үзәге эше белән танышты

Бүген Татарстан Президенты Рөстәм Миңнеханов Себер федераль университетының (Красноярск)Сканерлау һәм цифрлы фотматка күчерү үзәгендә булды.

СФУның Сканерлау һәм цифрлы фотматка күчерү үзәге университетның китапханә бинасында урнашкан.СФУның китапханә-нәшрият комплексы фәнни китапханәне, нәшрият-полиграфия комплексын берләштерә.Ул мәгълүмат чараларын,шул исәптән цифрлы контентны булдырырга,җыярга,архивлаштырырга һәм таратырга оештырылган.Бу Үзәк буенча экскурсияне Р.Миңнеханов өчен Себер федераль университеты ректоры Евгений Ваганов уздырды.Ул Үзәкне оештыру һәм аның бурычлары турында сөйләде.

Китапларны сканерлау тизлеге сәгатенә 2400 бит тәшкил итә,битләрне автоматик ачып бару файдаланыла.Иске документларны, тарихи әдәбиятны цифрлы фотматка күчерү өчен Canon цифрлы фотоаппараты кулланыла.

СФУның Сканерлау һәм цифрлы фотматка күчерү үзәге крайның дүәләт архивы һәм китапханәсе белән тыгыз хезмәттәшлектә эшли.
СФУ ректоры Евгений Ваганов документларны цифрлы фотматка күчерү,электрон мәгълүмат базасын һәм цифрлы контент булдыру мәсьәләләрендә Татарстан белән хезмәттәшлекне һәм тәҗрибә уртаклашуны җайга салырга тәкъдим итте.

СФУда интернет челтәренә чыгу өчен Wi-Fi кулланыла.Wi-Fi зоналары барлык университет кампусы территориясендә бар.

Мәгълүмат өчен:
Себер федераль университеты (СФУ) 2006 елда оештырыла,аның составына 4 зур Красноярск югары уку йорты керә:Красноярск дәүләт архитектура – төзелеш академиясе,Красноярск дәүләт университеты,Красноярск дәүләт техник университеты һәм Красноярск дәүләт төсле металлар һәм алтын университеты.