1 мартка кадәр чыгарылыш укучылары нинди имтиханнар тапшырачакларын хәл итеп бетерергә тиеш

2013 елның 1 мартына кадәр Бердәм Дәүләт имтиханнарын тапшыручы һәм Дәүләт аттестациясен үтүче барлык чыгарылыш укучылары нинди имтиханнар тапшырачакларын хәл итеп бетерергә тиеш. Моның турында бүген Татарстан Республикасы Министрлар Кабинетында узган брифинг барышында ТР мәгариф һәм фән министрының беренче урынбасары Данил Мостафин хәбәр итте.
Брифинг on-line режимында интернет челтәрендә (www.prav.tatarstan.ru) трансляцияләнде.
9 нчы чыгарылыш сыйныф укучыларына барлыгы 5 имтихан тапшырырга кирәк булачак: 3 төп имтихан (рус теле, математика һәм татар теле) һәм 2 фән сайлау буенча. 11 нче чыгарылыш сыйныфы укучыларына килгәндә, алар өчен төп имтиханнар буларак, рус теле һәм математика санала, ә сайлау буенча тапшырыла торган фәннәрнең саны алар өчен чикләнмәгән.
Белем бирү белән идарә итү муниципаль органнары башлыкларына мөрәҗәгать итеп, укучыларны теге яисә бу фәннәрне тапшырмаска күндергән очраклар булуына да игътибар итте Данил Мостафин. “Безнең моның белән бәйле җәзалар да, шул исәптән административ характерындагы җәзалар да булды, - дип билгеләп үтте ул. – Бернинди үгетләүләр дә булырга тиеш түгел. Сайлау буенча булган фәннәр укучылар һәм аларның ата-аналары тарафыннан билгеләнә.”
Апрель аенда Татарстанда кабаттан рус теленнән һәм математикадан тестирование булачак. Беренче тестирование гыйнвар аенда үткәрелгән иде.
Тестирование ТР Мәгариф һәм фән министырлыгы тарафыннан КФУ белән берлектә, Бердәм Дәүләт имтиханнарына эффектив әзерләнү максатыннан үткәрелә.
Март аенда КфУ белән хезмәттәшлек кысаларында интернет-форум үтәчәк, - дип хәбәр итте Данил Мостафин. Бу ел саен инде берничә ел дәвамында үткәрелә торган чара. Интернет форумда Бердәм дәүләт имтиханнарын оештыручылар һәм фән комиссияләре җитәкчеләре чыгыш ясый. Форум укытучылар аудиториясенә исәпләнгән, ләкин шул ук вакытта ачык булып санала. “ Форум мәйданында укытучылар үз карашлары, ачышлары турында сөйлиләр, үзләренең тәкъдимнәрен, шикләрен белдерәләр, без аларны карап чыгабыз һәм аннары әлеге мәсьәләләр буенча федераль үзәк белән эшлибез”, - дип сөйләде Данил Мостафин. “Форум - ул укучыларны уңышлы чыгару өчен проблемалар һәм аларны хәл итү юллары буенча фикер алышу мөмкинлеге”, - дип билгеләп үтте ТР Мәгариф һәм фән министрының беренче урынбасары.
Үзеңнең Бердәм Дәүләт имтиханына әзерлек дәрәҗәсен www.ege.edu.ru һәм www.fipi.ru рәсми сайтларында белергә була.
Шулай ук ТР Мәгариф һәм Фән министрлыгының “кайнар линия”се дә эшли: (843) 292-24-32