Татарстан Президенты: “Агросәнәгать комплексының барлык юнәлешләренә бертигез игътибар бирү кирәк”

Бүген Татарстан Президенты Рөстәм Миңнеханов катнашында ТР авыл хуҗалыгы һәм азык-төлек министрлыгы коллегиясе утырышында Татарстан Республикасының 2012 елда агросәнәгать комплексы (АСК) эш нәтиҗәләре һәм алдагы язгы-кыр эшләрен уздыру бурычлары хакында фикер алыштылар.

Бу чара Питрәч районында гадәти рәвештә республика семинар – киңәшмә формасында узды. Коллегиянең пленар өлеше район Мәдәният йортында ТРның барлык районнары вәкилләре катнашында, видеоконференция режимында булды.

Коллегия утырышын ачып, Татарстан Президенты ,соңгы өч ел республиканың авыл хуҗалыгы һәм АСК өчен уңышлы булмады,-дип белдерде. Шуңа карамастан 2012 елда республикада 3,2млн.т бөртекле ашлык,якынча 2млн.т шикәр чөгендере, 1.4млн.т бәрәңге,326мең т яшелчә җыеп алынган, тере үлчәмдә 456мең т терлек һәм кош, 1,9млн.т сөт җитештерелгән.
ТР Президенты бүген көндә авыл хуҗалыгы җитештерүчәннәре алдында торган тагын бер проблеманы – банклар тарафыннан кредит бирү шартлары катгыйлану хакында искә төшерде.

Агымдагы ел финанслар буенча гына түгел, ә бәлки климат шартлары буенча катлаулы булырга ошаган,-дип хәбәр итте үзенең докладында ТР авыл хуҗалыгы һәм азык-төлек министры Марат Әхмәтов. Быелгы язгы-кыр эшләре кыйммәткә төшәргә мөмкин,бу Бөтендөнья сәүдә оешмасы шартларында, федераль Хөкүмәтнең ягулыкка субсидия бирмәвенә бәйле.”Безгә аз чыгымлы ысулларны эзләргә кирәк”, дип белдерде Марат Әхмәтов.

ТР Президенты коллегия утырышын йомгаклап,тагын берничә проблемалы мәсьәләне әйтеп узды.
Беренчедән,кадрлар мәсьәләсе. Күп хуҗалыкларда штатлы агрономнар юк. Монда аутсорсинг системасын кулланырга кирәк,-диде Р. Миңнеханов.
Икенче проблема – терлекләрнең баш санын саклау. Бу проблемаларны хәл итүгә аеруча игътибар кирәклеген ассызыклады Р. Миңнеханов.

Авыл хуҗалыгы тармагында хезмәт иминлеге дәрәҗәсен күтәрү кирәклеген, статистика буенча узган елда – 24 үлем һәм 120дән артык имгәнү очраклары булуын, - белдерде ул..”Моның белән шаярырга ярамый”,- дип басым ясады Татарстан Президенты.