ТР Президенты укучыларның иминлеген тәэмин итүгә юнәлдерелгән чаралар билгеләүне һәм кабул итүне йөкләде

Татарстан Президенты Рөстәм Миңнеханов тиешле ведомстволарга укучыларның һәм мәктәпкәчә яшьтәге балаларның белем бирү учреждениеләренә бару һәм кире өйгә кайту юлларында иминлекне саклау буенча тиз рәвештә чаралар билгеләүне һәм кабул итүне йөкләде.

Бу эш, быелгы елның февраль аенда Чаллы һәм Алабуга шәһәрләрендә башлангыч сыйныф укучылары белән булган фаҗигале хәлләрдән соң, тапшырылды.

Моңа бәйле рәвештә, ТР муниципаль районнары һәм округлары башлыкларына ,мәгариф идарәсе муниципаль органнары башлыкларына, җирле гадәттән тыш хәлләр комиссиясе җитәкчеләренә тиешле хатлар җибәрелгән.

Ата-аналар комитеты белән бергәләп, балаларга туганнары арасыннан бер кешене беркетү,андый туганнары булмаган очракта – ата-аналар комитеты әгъзаларын яисә волонтерларны җәлеп итү мәсьәләләрен эшләү кирәк.
Моннан тыш,балаларның ата-аналары белән ашыгыч элемтәгә керү схемасы эшләнәчәк.
Шулай ук, ярдәмгә чакыру сигналы бирү вариантларына аерым игътибар биреләчәк.