Рөстәм Миңнеханов: Татарстан Республикасы гомуми кулланыштагы авиация өлкәсендәге проектлар үсеше өчен пилот регион булырга әзер

Татарстан Республикасы гомуми кулланыштагы авиация өлкәсендәге проектлар үсеше өчен пилот регион булырга әзер.Бу хакта бүген Татарстан Республикасы Президенты Рөстәм Миңнеханов Гомуми кулланыштагы авиация үсеше мәсьәләләре буенча РФ Президенты каршындагы комиссия утырышында хәбәр итте.

Утырыш “Казан” халыкара аэропорты территориясендә узды, анда РФ Президенты ярдәмчесе – Гомуми кулланыштагы авиация үсеше мәсьәләләре буенча РФ Президенты каршындагы комиссия рәисе Юрий Трутнев,РФ Президенты киңәшчесе Игорь Левитин, “Ачык Хөкүмәт” мәсьәләләре буенча РФ министры Михаил Абызов,Росавиация вәкилләре һ.б. катнашты.

Утырыш барышында чыгыш ясаганда Рөстәм Миңнеханов, авиация тармагы зур перспективаларга ия – Татарстанда фәнни, белем бирү һәм җитештерү базалары бар.Гомуми кулланыштагы авиация өлкәсендәге үсеш проектлары өчен республика пилот регион булырга әзер,-дип белдерде. “Безне бу проектның уңышлы булуы бик нык кызыксындыра”,-диде ул.

Россия Федерациясе бүген кече авиациядән башка үсә алмый,-дип хәбәр итте Юрий Трутнев. Аның сүзләренчә, бүгенге утырышның максаты - гомуми кулланыштагы авиация үсеше өлкәсендәге икътисади каршылыкларны бетерү проблемаларын хәл итү.