Рөстәм Миңнеханов: Барысыннан да элек, хәлне үзгәртү һәм көндәшлеккә сәләтле булу өчен, яңа материаллар кирәк

Бүген Казанда Инфраструктуралар һәм белем бирү программалары фондының хезмәттәшлек үсеше буенча диреторы Леонид Гозман журналистларга “ РОСНАНО. Киләчәкне якынайтабыз” программасы һәм инновацияләр үсешен популярлаштыру, фән, нанотехнологияләр турында сөйләде.

Леонид Гозман белән бергә журналистларның сорауларына шулай ук Татарстан Президенты Рөстәм Миңнеханов җавап бирде.

“Нанотехнологияләрнең гомумән икътисадка Владимир Путинга яисә Рөстәм Миңнехановка гына түгел, ә бәлкем һәрбер кешегә кирәклеген аңлатырга кирәк”,- дип белдерде Леонид Гозман.
“Без Казанга Мәскәү һәм Германиядән зур команда, шул исәптән рус телендә сөйләшүче галимнәрнең Европа Ассоциациясе президентын алып килдек,-диде ул. Без Казанның барлык әйдәп баручы югары уку йортларында лекция-дискуссияләр уздырабыз,кызыклы кешеләр белән очрашулар оештырабыз.Болар, бүген лекция тыңлаган студентлар, иртәгә “Гугл”дан начар булмаган проектларны булдыра алсын, һәм ул проектлар Татарстанда гамәлгә кертелсен өчен эшләнә.”

Татарстан Президенты Рөстәм Миңнеханов үз чиратында журналистларга җавап биргәндә, “Бүген дөнья шулкадәр тиз үзгәрә, әгәр үз эчебездә генә кайнасак, бернинди алга китеш булмаячак.Без партнерыбыз “РОСНАНО” компаниясенә шушындый лекцияләр һәм “түгәрәк өстәлләр” уздырганы өчен рәхмәлебез”, - диде.

“Без аңлыйбыз – барысыннан да элек, хәлне үзгәртү һәм көндәшлеккә сәләтле булу өчен, яңа куллану үзенчәлекләре белән яңа материаллар кирәк,- дип ассызыклады Рөстәм Миңнеханов. Мондый материалларны бары тик , тиешле фәнни базасы булган белемле һәм акыллы кешеләр генә булдыра ала.Безнең бурычыбыз – беренчедән шундый мөмкинлекләр тудыру, икенчедән- шундый кешеләр әзерләү.”

Татарстан Президенты, бүгенге көндә республика сәнәгать продукциясе күләмендә нанотехнологияләр кулланып җитештерелгәне хәзергә 36млрд.сум гына тәшкил итә,-дип хәбәр итте.


Тулырак “РОСНАНО. Киләчәкне якынайтабыз” программасы кысаларындагы чаралар турында – пресс-релизда.