Илдар Халиков Чистай районы Советының йомгаклау сессиясендә катнашты.

Чистай муниципаль районы елына 15-20 процент сәнәгать үсешенә ирешә ала”, - дип саный бүген Чистайда булып киткән ТР Премьер-министры Илдар Халиков.
Үзенең сәфәре башында Хөкүмәт җитәкчесе Чистай муниципаль районы башлыгы Илдус Әхмәтҗанов җитәкчелегендә яңа ел алдыннан ачылган 220 урынга исәпләнгән балалар бакчасында булып кайтты. Премьер-министр балалар бакчасын карап чыкты, әлеге мәктәпкәчә белем бирү учреждениясендә кулланыла торган яңалыклар белән танышты.
Югары технологияләр өлкәсендәге яңалыклар белән Илдар Халиков авылара мәдәни-күңел ачу үзәгендә танышты. Монда Чистай предприятиеләре продукцияләре күргәзмәсе оештырылган иде.
Аннары шунда ук Чистай муниципаль районы Советының отчет утырышы узды. Анда РФ Дәүләт Думасы депутаты Александр Сидякин, ТР Дәүләт Советы депутатлары, ТР муниципаль берләмлекләр Советы рәисе Минсәгыйть Шакиров катнаштылар.
Муниципаль районның 2012 елгы социаль-икътисадый үсеш нәтиҗәләре һәм 2013 елга төп бурычлары белән Чистай муниципаль районы башлыгы, Муниципаль район Советы рәисе Илдус Әхмәтҗанов таныштырды. Отчетлар белән шулай ук Эчке Эшләр Министырлыгының муниципаль район буенча бүлек җитәкчесе Алексей Соколов, муниципаль райондагы мәдәният бүлеге җитәкчесе Светлана Колесникова, “Сарсазы” фирмасы директоры Илгизәр Садыйков та чыгыш ясадылар.
Үзенең чыгышында Илдар Халиков килгән кешеләрне республиканың 2012 елгы социаль-икътисадый үсеш нәтиҗәләре белән таныштырды. Чистайлылар аңда үзләренең саллы өлешләрен керттеләр. Татарстан икенче ел рәттән туучылар саны буенча алдынгылар рәтендә, дип хәбәр итте Премьер-министр. Чистай муниципаль районында үлүчеләр саны 2 тапкыр кимегән, ләкин демографик проблема бар һәм аны хәл итү өчен резервлар эзләү зарури.
Районның авыл хуҗалыгы өлкәсендәге хәлен анализлау кәнәгатьлек хисе уята, дип хәбәр итте Илдар Халиков. Биредә авылны үстерү буенча күпсанлы программалар тормышка ашырыла.
Татарстан җитәкчелеге өчен элеккечә сәламәтлек саклау һәм мәгариф өстенлекле булып кала, дип искәртте ТР Хөкүмәте башлыгы. Илдар Халиков сүзләренә караганда, Чистай муниципаль районында әйбәт укытучылар, моңа күпсанлы конкурс нәтиҗәләре дәлил булып тора.
Татарстан Премьер-министры билгеләп үткәнчә, Чистай районында иң катлаулы хәлләрнең берсе юлларга бәйле. Районда 20 торак пунктта асфальт җәелмәгән. 2013 елда республикада район юллары төзелешенә 205 миллион сум акча бүлеп бирү каралган.
Шәһәрдә 250 архитектура һәйкәле бар – бу бик зур байлык, аның белән горурланырга һәм сакларга кирәк.
Үзенең чыгышы ахырында Илдар Халиков шәһәр һәм район халкына 2012 елгы нәтиҗәле хезмәтләре өчен рәхмәтләрен белдерде һәм чистайлыларга Мактау гармоталары һәм Республика хөкүмәте исеменнән грамоталар тапшырды.