ТР Премьер-министры Түбән Кама шәһәрендә төзелүче поликлиникада булып кайтты

Бүген Татарстан Премьер-министры Илдар Халиков Түбән Камага эшлекле сәфәре кысаларында төзелүче поликлиниканы карап чыкты. ТР Хөкүмәте башлыгын республиканың сәламәтлек саклау министры Айрат Фаррахов һәм Түбән Кама мэры Айдар Метшин озата бардылар.
Поликлиниканы торгызу 20 ел элек башланган булган, ләкин төрле сәбәпләр аркасында үзган елга кадәр объект “катырылган”. Төзелеп бетмәгән 127 ятаклы дәвалау корпусы бинасы шәһәр поликлиникасы итеп үзгәртелде.
Узган елны ТР Президенты ярдәме белән объкт “икенче” гомергә ия булды: проект дәүләт экспертизасын үтте, һәм алдагы төзелешкә 90 млн. сумга якын акча бүлеп бирелгән иде. Объектның гомуми бәясе 341млн. якын сумны тәшкил итә.
Поликлиникада 84 меңнән артык пациентка беренче медик-санитар ярдәм күрсәтү планлаштырыла. Монда гомуми практикалы 40 табиб өчен процедура кабинетлары, амбулатор авырулар өчен 80 ятаклы көндезге стационарлар, СПИД – лаборатория, белгечләр кабинетлары, диагностика һәм медик тикшеренүләр кабинетлары, бердәм СААL-үзәк ( тиз һәм ашыгыч ярдәм чакыруларын кабул итү, пациентны амбулатор приемга язу үзәге) һәм ашыгыч медицина ярдәме хезмәте каралган.
Илдар Халиков корпусны һәм 5- катлы поликлиниканың планын карап чыкканнан соң һәм объектны төзеп бетерү өчен тагын күпме чаралар кирәк булуы турында кызыксынып, “Төзеп бетерәчәкбез”, дип ышандырды.
Соңрак кунаклар хирургия корпусына күчтеләр. ТР Хөкүмәте башлыгына яңа авыруларны кабул итү бүлмәсе турында сөйләделәр һәм булачак төзү урынын күрсәттеләр. Хирургия корпусын карап чыкканнан соң ТР Премьер-министрына йогышлы авырулар бүлеге фотографияләрен күрсәттеләр, алар бүлек биналарына ашыгыч рәвештә капиталь ремонт кирәк булуын ачык күрсәтеп торалар. Ләкин моңа җавап итеп, Илар Халиков чит илдә инде күптән баш тарткан йогышлы авырулар бүлеген бүгенге көндә Түбән Камада булмаган реабилитация үзәгенә әйләндерү мәсьәләсен тикшерергә тәкъдим итте.
Соңрак Илдар Халиков Түбән Кама шәһәренең Түбән Кама муниципаль районы советларының берләштерелгән сессиясендә катнашты.