Рөстәм Миңнеханов тарафыннан Мәскәүдә Россия – Франция хезмәттәшлеге кысаларында документлар имзаланды

Бүген Мәскәүдә Татарстан Республикасы Президенты Рөстәм Миңнеханов тарафыннан Россиягә Франция Президенты Франсуа Олландның эш визиты кысаларында берничә документ имзаланды.
Имзалар Россия Федерациясе Президенты Владимир Путин белән Франция Президенты Франсуа Олландның очрашуы барышында куелды.

Очрашуда сәүдә-икътисад, энергитика,транспорт, инвестицияләр,югары технологияләр һәм гуманитар өлкәләрдә хезмәттәшлек мәсьәләләренең төп аспектлары хакында сөйләштеләр. Актуаль халыкара темалар буенча да фикер алыштылар.

Сөйләшүләр нәтиҗәсе буенча Россия һәм Франция Президентлары катнашында документлар имзаланды.
Шул исәптән Татарстан Республикасы (Россия Федерациясе) һәм Прованс-Альпы-Лазурный берег Регионының Региональ советы (Франция Республикасы) арасындагы теләкләр турында Декларация, шулай ук Россия инновацион регионнар ассоциациясе (АИРР) һәм Прованс-Альпы-Лазурный берег Регионы арасында партнерлык булдыру буенча теләкләр турында Декларация имзаланды. Декларацияләргә Татарстан Республикасы Президенты Рөстәм Миңнеханов һәм Прованс-Альпы-Лазурный берег Регионы Президенты Мишель Возелль имзаларын куйдылар.

Атап әйткәндә, бу Декларацияләр фәнни-тикшеренүләр һәм инновацияләр,икътисади үсеш өлкәләрендә хезмәттәшлек үсеше; университет, фәнни һәм мәдәни алмашулар; предприятиеләр һәм лабораторияләр арасында технологик һәм икътисади партнерлык үсешен стимуллаштыру өчен яңа механизмнар булдыру ; урта һәм кече инновация предприятиеләрен булдыру һәм үстерүгә булышлык итәр дип фаразлана.