Татарстан Премьер-министры гражданнарны кабул итте

Бүген Татарстан Премьер-министры Илдар Халиков “Бердәм Роосия” партиясе рәисе Д.А.Медведевның ТР дагы Төбәк җәмәгатьчелек кабул итү бүлмәсендә гражданнарны кабул итте. Республика Хөкүмәте башлыгы гражданнарның мөрәҗәгатьләрен тыңлады һәм Татарстан халкының мөһим мәсьәләләрен хәл итү өчен тиешле күрсәтмәләрне бирде.

Республика халкын борчыган сорауларның берсен Казаннан Нина Расстригина җиткерде. Ул Торак-коммуналь хуҗалыгы хезмәте өчен бәяләрнең бик югары булуы, гомуми йорт ихтыяҗлары (ОДН) өчен түләүләрдә закон бозу очраклары турында сөйләде.

Татарстан Премьер-министры, республикада Алабуга тәҗрибәсен гамәлгә кертү планлаштырыла, дип хәбәр итте.Илдар Халиков фикеренчә, подъездларда гомуми счетчиклар куеп карау кирәк.”Әйдәгез шундый эксперимент эшләп карыйбыз,бу тәҗрибә уңышлы чыкса,республиканың барлык шәһәрләрендә дә кулланырбыз”,- диде ул.

Гражданнар сорауларының тагын берсе – Яшел Үзән райнының Панау авылына каты өслекле юл уздыру турында иде.”Бу авылга юл уздыруны 2013елгы программага кертербез”,-дип җавап бирде Илдар Халиков.

Казанда яшәүче Айрат Гараев Агрономическая урамындагы 18 номерлы яңа йортка газ кертүне сорап мөрәҗәгать итте. Премьер-министр бу йортта яшәүчеләргә газ хезмәтенә күмәк мөрәҗәгать итәргә тәкъдим итте.”Бу йортта яшәүчеләр барысы да килешкәннән соң, газ җибәрүне тәэмин итәчәкбез, бу мәсьәләне үзебезнең күзәтүгә алабыз”,-дип ышандырды Илдар Халиков.

Илдар Халиков гражданнарның сорауларын тыңлаганнан соң, тиешле министрлыкларга һәм ведомстволарга бу мәсьәләләрне хәл итү буенча үзенең күрсәтмәләрен бирде.