Татарстан Премьер-министры Лаеш районының сукыр һәм начар күрүче балалар өчен интернат-мәктәптә булды

Бүген ТР Премьер-министры Илдар Халиков,Татарстан республикасының Лаеш муниципаль районы советының 20 нче хисап сессиясендә катнашты.

Илдар Халиков сукыр һәм начар күрүче балалар өчен коррекцияләү мәктәп-интернатында булды.
1968 нче елда ачылган мәктәп, бүгенге көндә республикада, күрү мөмкинлекләре чикле булган балаларны укытучы һәм тәрбияләүче интернат тибындагы бердәнбер уку йорты. 2012-2013 нче уку елында мәктәптә 16 сыйныф исәпләнә, аларда республиканың 33 районыннан 105 бала белем ала. Укучылар арасында – 57 дөм сукыр һәм 48 начар күрүче һәм 17 ятим бала. Тәрбияләнүчеләрнең күпчелек өлеше мәктәп-интернатка аз керемле һәм тулы булмаган гаиләләрдән, ата-аналары инвалид булган гаиләләрдән килгән. Күрү буенча зәгыйфьлектән тыш, укучыларда эндокрин, психоневрологик, ДЦП һәм башка авырулар да бар.
Спорт залында кунакларны спорт белән шөгыльләнүче үсмер егетләр сәламләде.. Әйтергә кирәк, физик тәрбия мәктәп-интернатта аерым урынны алып тора, чөнки ул күрү сәләте бозылган балаларны реабилитацияләүнең төп юлларының берсе. Укучыларның исәнлеген кайгыртып тору максаты белән, күрү сәләте һәм сәламәтлекнең даими мониторингы, профилактик чаралар, кирәкле дәвалау үткәрелә. Мәктәпнең медицина блогы белгечләр белән тулысынча комплектацияләнгән, кирәкле офтальмологик һәм физиотерапевтик җиһазларга ия..

Алга таба Илдар Халиков күп балалы Лемеховлар гаиләсендә булды. 2008 нче елда Лемеховлар гаиләсе, торак шартларын яхшыртуга мохтаҗ гаилә буларак учетка куелып, торак сертификатын алучыларның республика исемлегенә кертелгән. 2012 нче елда алар шәхси торак йорт төзелешенә сертификат алуга ирешкән.Бүген бу гаилә үз йортында яши.
2010 нчы елда әниләре Светлана Лемехова “Ана даны” медале белән бүләкләнгән булган.