Минтимер Шәймиев Наина Ельцина белән очрашты

2013елның 10 мартында Татарстан Республикасы Дәүләт киңәшчесе Минтимер Шәймиев Россия Федерациясенең беренче Президенты Борис Ельцинның хатыны Наина Ельцина белән очрашты.
Наина Ельцина “Ельцин кубогы” Халыкара яшүсмерләр теннис турнирын ябу тантанасында катнашты. Турнир Казанда өченче тапкыр Борис Ельцин хәйрия фонды ярдәме белән үткәрелә. Быел ярышларда 13 илдән 128 спортчы катнашты. Наина Ельцина турнирда җиңүчеләргә бүләкләр тапшырды.
Ул Минтимер Шәймиев белән очрашуда Казан теннис академиясендә узган теннис турнирын ябу тантанасында алган хис-кичерешләре белән уртаклашты һәм республика җитәкчелегенә кунакчыллык һәм ярышларны яхшы оештырулары өчен рәхмәт белдерде.
Шулай ук Казанда үткәрелә торган турнир Россиянең беренче Президенты Борис Ельцин рухын искә алу булып тора, ул Татарстанга килергә яратты һәм республикада яшәүчеләргә хөрмәт белән карый иде, дип билгеләп үтте Наина Ельцина. Ул Минтимер Шәймиевне оныгы Борис Ельцин белән таныштырды.

Татарстан Республикасы Дәүләт киңәшчесе “Татарстанның мәдәни мирасы: борынгы Болгар шәһәре һәм Свияжски утрау-шәһәрчеге” проектында катнашучы Наина Ельцинага аны гамәлгә ашыру барышы хакында сөйләде.
Очрашуда РФ Президентының элеккеге киңәшчесе Владимир Шевченко, Россия Теннис федерациясе президенты Шамиль Тарпищев, ТР Президенты ярдәмчесе Татьяна Ларионова, Казан мэры Илсур Метшин һ.б. рәсми затлар катнашты.