Татарстан Республикасы Премьер-министры Илдар Халиков республиканың профсоюзлар активы белән очрашты

Бүген Татарстан Республикасы Премьер-министры Илдар Халиков һәм ТР Хөкүмәте әгъзаларының Татарстанның профсоюзлар активы белән гадәттәгечә ел саен була торган очрашуы узды. Әлеге чара Хезмәт сараенда (Казан,Мөштәри ур.) булды, анда ТР Профсоюзлар федерациясе рәисе Татьяна Водопьянова, шулай ук республика министрлыклары һәм ведомство җитәкчеләре катнашты.
Үзенең чыгышында Илдар Халиков 2012елда республика социаль-икътисадый үсешенең төп нәтиҗәләренә тукталды. Аның әйтүенчә, ТРда хезмәт җитештерүчәнлеге узган елда 2011 ел белән чагыштырганда 6,4% ка арткан.

“Халыкның акча кереме һәм эш хакы артуы да күзәтелә”,- диде Премьер-министр. Бу күрсәткечләр 2011 ел белән чагыштырганда 16,3 һәм 17,2% ка арткан.
Мәгариф хезмәткәрләренең уртача эш хакы 2012елда 16 мең 647 сум тәшкил иткән, ә сәламәтлек саклау хезмәткәрләренеке – 17 мең 125 сум. Премьер-министр, 2013 елда бюджет өлкәсендә эшләүчеләргә эш хакын, ТР да уртача эш хакы 26 мең 100 сум күләменнән чыгып арттыру планлаштырыла, дип хәбәр итте.Бу чаралар ике этапта уздырылачак, һәм аларны гамәлгә ашыру өчен республика бюджетында өстәмә 9,7 млрд.сум каралган , диде ул.

ТР Хөкүмәт башлыгы сүзләренчә, Татарстанда икътисадый хәлнең тотрыклылыгын раслаучы тагын бер күрсәткеч – эшсезлек дәрәҗәсенең түбән булуы ( РФ дә иң түбән ).

Очрашуда шулай ук яшьләрне эшкә урнаштыру мәсьәләләре, җитәкчеләрнең эш хакы югары булуы, ә социаль һәм мәгариф өлкәсендә, сәламәтлек саклау өлкәсендә техник ярдәмче персоналның хезмәт хаклары түбән булуы турында проблемалар күтәрелде.