Татарстан Республикасы Хөкүмәте

Татарстан Республикасында күп балалы гаиләләргә 16900 җир кишәрлеге бирелгән, шул исәптән март аенда – 900 дән артык җир кишәрлеге

2013 елның 30 марты, шимбә

Татарстан Республикасында 2013елның 30 мартына бирелгән мәгълүматлар буенча җир кишәрлеге алуга 20545 күп балалы гаиләдән гариза алынган. Шул исәптән март аенда 696 гариза бирелгән. Бу хакта бүген ТР Хөкүмәт Йортында узган киңәшмәдә ТР җир һәм мөлкәти мөнәсәбәтләр министры Азат Хамаев хәбәр итте. Киңәшмәне ТР ның барлык муниципаль районнары белән видеоконференцэлемтә режимында ТР Президенты вазыйфаларын башкаручы – ТР Премьер-министры Илдар Халиков уздырды.

Азат Хамаев хәбәр итүенчә, Татарстанда 22 меңнән артык җир кишәрлеге кадастр исәбенә куелган.
Татарстанда Республикасында 16900 җир кишәрлеге күпбалалы гаиләләргә бирелгән, шул исәптән мартта - 900дән артык.
Бирелгән җирләрнең гомуми мәйданы - 1846 га тәшкил итә.

ТР җир һәм мөлкәти мөнәсәбәтләре министры әйтүенчә, 1043 гаилә тәкъдим ителгән җир кишәрлеге вариантларыннан баш тарткан, алар исемлектән чыгарылган. Шул ук вакытта министр гаиләләрнең кабат гариза тапшыра алуын белдерде.

Азат Хамаев шулай ук , 2013елның 1февраленнән ведомствоара эшләүче төркем булдырылуын хәбәр итте. ТР Президенты кушуы буенча бу төркем исәпкә куелмаган һәм рөхсәтсез алу куркынычы булган җир кишәрлекләрен ачыклау белән шөгыльләнә. Бу юнәлештә планлы рәвештә эш алып барыла.

ТР Президенты матбугат хезмәте, Елена Бритвина.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Татарстан Хөкүмәте Йортында Гадәттән тыш хәлләрне кисәтү һәм бетерү, янгын куркынычсызлыгын тәэмин итү комиссиясе утырышы узды

Бүген ТР Хөкүмәте Йортында Татарстан Республикасы Гадәттән тыш хәлләрне кисәтү һәм бетерү, янгын куркынычсызлыгын тәэмин итү комиссиясе узды. Утырышны комиссия рәисе урынбасары – Татарстан Республикасы Премьер-министрының беренче урынбасары Рөстәм Нигъмәтуллин үткәрде. Видеоконференцэлемтә режимында узган утырышта шәһәр округлары һәм муниципаль районнар комиссияләре рәисләре һәм әгъзалары, оешмалар җитәкчеләре катнашты.

декабрь, 2025 ел

ТР Хөкүмәте Йортында бәйрәмнәр вакытында юл хезмәтләренең һәм торак-коммуналь өлкәнең өзлексез эшләвен тәэмин итү мәсьәләләре буенча брифинг узды

ТР Хөкүмәте Йортында Яңа ел каникуллары вакытында юл хезмәтләренең һәм торак-коммуналь өлкәнең өзлексез эшләвен тәэмин итү мәсьәләләре буенча брифинг узды.

декабрь, 2025 ел

Алексей Песошин «Ел җитәкчесе" конкурсында: Татарстан җаваплылыктан курыкмый торган булдыклы һәм инициативалы кешеләргә бай

«Ел җитәкчесе» республика иҗтимагый конкурсы инде Яңа ел алдыннан күркәм традициягә әверелде, без узып баручы ел казанышларын билгеләп үтәбез һәм республиканың социаль-икътисадый үсешенә иң зур өлеш керткән предприятие һәм оешмаларның иң яхшы җитәкчеләрен хөрмәтлибез. Бу хакта бүген Татарстан Премьер-министры Алексей Песошин «Корстон» мәдәни-күңел ачу комплексында узган конкурс лауреатларын бүләкләү тантанасында хәбәр итте. Чарада Татарстан Рәисе Рөстәм Миңнеханов катнашты.

Алексей Песошин «Теләкләр чыршысы» гамәле кысаларында дүрт баланың хыялларын тормышка ашырачак

Татарстан Премьер-министры Алексей Песошин «Теләкләр чыршысы» гамәлендә катнашты. Бүген җиденче чакырылыш Татарстан Республикасы Дәүләт Советының 17 нче утырышы кысаларында Бөтенроссия хәйрия гамәленең чираттагы чарасы узды.

ЯҢАЛЫКЛАРГА ЯЗЫЛУ