Элек хәбәр ителгәнчә, быел Татарстанда барлыгы 100 спорт мәйданчыгы төзеләчәк. Алар яңа футбол стадионы төзелешендә актив катнашкан муниципаль берәмлекләр территориясендә пәйда булачак.
Илдар Халиков билгеләвенчә, бүгенгә районнарның күпчелеге эшләр буенча үз бурычларын үтәгән. Хәзер ГИСУның эшләрне кабул итүе мөһим. Әле берсе дә кабул ителмәгән: бөтенесендә дефектлар бар. Моңа бәйле рәвештә, ТР Премьер-министры кимчелекләрне бетерү буенча эшләрне тизләтүләрен сорады.
14 нче апрельдә ТР Президенты стадионда булырга һәм объекттагы эшләрнең барышы белән танышырга ниятли.