Рөстәм Миңнеханов: «Метрополитен – Казанның зур байлыгы»

2013 елның 13 мае, дүшәмбе
Бүген Татарстан Республикасы Президенты Р.Н. Миңнеханов  Казан Кремлендә Казан метрополитенының өч яңа станиясе төзелеп бетүгә бәйле рәвештә  метро төзүчеләрне кабул итте. Тантаналы чара барышында Р.Н. Миңнеханов «Казметрострой» ААҖ хезмәткәрләренә бүләкләүләр тапшырды. 

Тантанада катнашучыларны сәламләп, Татарстан Республикасы Президенты Р.Н. Миңнеханов Казанда өч яңа метро станиясе ачылуның барлык Россия метро төзүчеләре өчен дә мөһим вакыйга дип атады.   «Кыска гына вакыт эчендә өч станция төзеп бетердек, һәм хәзер 17,3 километрлык ун метро станциябез бар. 24 минут эчендә беренче станциядән алып соңгысына кадәр барып җитәргә була, - диде Татарстан Республикасы Президенты. – Бу – төзүчеләрнең, проектлаучыларның,  эксплуатантларның тырыш хезмәте нәтиҗәсе».

«17 ел эчендә Казанда метро төзүче иң яхшы оешмаларның берсе аякка басты. Һәм хәзер сез Татарстанда гына түгел, Мәскәүдә дә эшлисез, - дип мөрәҗәгать итте Рөстәм Миңнеханов метро төзүчеләргә. – Бу – сезнең осталыгыгызны тану билгесе».

Метро төзүчеләр тарафыннан башкарылган хезмәтнең гаять зур күләме турында сөйләгәндә Татарстан Республикасы Президенты  метрополитенның өч яңа станциясен төзүнең 15 млрд сумга төшүен әйтте, 600 мең кубометр  грунт чыгарылган, 83 мең кубометр бетон коелган, 250 километр кабель салынган. «Бу эш ипләп кенә, нервларны какшатмыйча гына башкарылды», - дип ассызыклады Рөстәм Миңнеханов.

Казанда метро булуны Татарстан Республикасы Президенты  шәһәрнең олы конкурент өстенлеге дип атады.  «Казан кебек шәһәрләр өчен шуннан да нәтиҗәлерәк транспорт уйлап табылмаган әле, һәм бу безне транспорт коллапсыннан коткара һәм шәһәрнең зур байлыгы булып», - дип саный Рөстәм Миңнеханов.

Ул метро төзелешендә катнашучы оешмаларның барысына да бердәм һәм тырыш хезмәтләре өчен рәхмәт белдерде.

Татарстан Президенты «Казметрострой» ААҖ генераль директоры Марат Рахимовка «Татарстан Республикасы алдындагы казанышлары өчен» орденын тапшырды. Шулай ук ул предприятие хезмәткәрләренә бүләкләүләр бирде.

Үз чиратында Марат Рәхимов республика Президентына метро төзүчеләрнең хезмәтен югары бәяләгән өчен рәхмәт әйтте һәм «Казметрострой» ААҖнең киләчәктә дә шәһәр һәм республика өчен тырышып хезмәт итәчәкләрен вәгъдә итте. «Шәһәр һәм республика тарафыннан безнең алга куелган барлык бурычларны үтәячәкбез», - дип белдерде Марат Рәхимов.
ТР Президенты Матбугат хезмәте
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International