Илдар Халиков Халыкара табигатьне саклау берлеге комиссиясе рәисе белән очрашты

2013 елның 15 мае, чәршәмбе
ТР Премьер-министры Илдар Халиков Халыкара табигатьне саклау берлегенең экосистемалар белән идарә итү комиссиясе рәисе Пит Уит һәм Эстониянең социаль фәннәр, табигать- культура ландшафтлары, табигый мирасны саклау һәм идарә итү университеты профессоры Калев Сепп белән очрашты.
ТР Хөкүмәт йортында узган очрашуда Татарстан экология һәм табигый ресурслар министры Артем Сидоров һәм республика урман хуҗалыгы министры Наил Мәгъдиев катнашты.

Бүген ТР Премьер-министры Илдар Халиков Пит Уитт һәм Калев Сеппны сәламләп, 2015 елда Казанда экосистемалар һәм культура ландшафтлары белән идарә итү буенча 1нче Бөтендөнья конгрессын үткәрү турындагы тәкъдим Татарстан өчен бик кызыклы, дип билгеләп үтте. “Бу республика өчен генә түгел, ә бөтен Россия өчен зур мәгънәгә ия халыкара вакыйга. Татарстан Экология һәм табигый ресурслар министрлыгы конгресс форматын билгеләү буенча Россия хезмәттәшләре белән эш башлады һәм бу чараны югары дәрәҗәдә үткәрербез дип ышанам”, дип мөрәҗәгать итте кунакларга Илдар Халиков.

Очрашуда конгресска әзерлек буенча фикер алыштылар һәм бу юнәлештә чираттагы адымнарны билгеләделәр.
ТР Президенты матбугат хезмәте. Михаил Миронов
ВИДЕОРЕПОРТАЖ
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International