Казахстан делегациясе “Яңарыш” фонды эшчәнлеге белән танышты

2013 елның 16 мае, пәнҗешәмбе

Казан (Идел буе) федераль университетында булганнан соң, ТР Президенты Рөстәм Миңнеханов һәм Алматы шәһәре хакиме Әхмәтҗан Есимов Казан Кремленә килделәр, анда кунаклар тарихи һәйкәлләр белән таныштылар, Кол Шәриф мәчетендә һәм Благовещение соборында булдылар.

Соңыннан ТР Дәүләт Киңәшчесе, ТР Тарихи һәм мәдәни һәйкәлләрне яңадан торгызу республика фондының Попечительләр Советы рәисе Минтимер Шәймиев белән очрашу булды.

 Минтимер Шәймиев Казахстан кунакларына “Мәдәни мирас: борынгы Болгар шәһәре һәм Зөя утрау-шәһәрчеге” мәдәни-тарихи проектын тәкъдим итте, әлеге шәһәрләрнең тарихын сөйләде, аларны торгызу эшләренең барышы белән таныштырды. Кунаклар тарихи һәйкәлләр стендын, макетларын, Зөя һәм Болгарда төзелгән һәм төзелә торган яңа корылмаларны аеруча кызыксыну белән карадылар.

 Әхмәтҗан Есимов татар, казакх һәм төрки халыклары тарихларының, мәдәниятләренең, телләренең уртак булуын билгеләп үткәннән соң, Болгарның төрки цивилизациянең аерылгысыз өлеше булуын әйтте. Аның фикеренчә, ислам һәм православие диннәрен торгызуга юнәлдерелгән әлеге проект тарихи һәм мәдәни мирасны сакларга гына түгел, ә Татарстанда яшәүче халыклар арасындагы дуслыкны ныгытырга да ярдәм итә.
ТР Президенты матбугат хезмәте.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International