Илдар Халиков Гамбия Президенты белән очрашты

Бүген Татарстанга Гамбия Республикасы Президенты Яйя Джайме килде. “Казан” халыкара аэропортында африка иле делегациясен Татарстан Премьер-министры Илдар Халиков каршы алды.

Илдар Халиков Яйя Джаммены Россиядә сәламләп, РФ Хөкүмәте исеменнән һәм Татарстан Президенты Рөстәм Миңнеханов исеменнән сәламләү сүзләрен җиткерде. “Республикабызга шундый зур делегациянең килүенә без бик шатбыз”,- дип мөрәҗәгать итте ул кунакларга.

ТР сәүдә һәм сәнәгать министрының беренче урынбасары Руслан Кабиров Гамбия делегациясенә Татарстанның икътисадый потенциалы презентациясен тәкъдим итте. Кунакларга Татарстан турында “We can” фильмын күрсәттеләр.

Үз чиратында Яйя Джамме, Казанга килүе белән шат булуын белдерде. Аның сүзләренчә, ул Татарстанда җитештерелгән самолетлар белән таныш, аеруча Африкада “КАМАЗ” автомобильләре бик танылган, алар “Дакар” ралли-рейдында берничә тапкыр җиңүчеләр, ә аларның финишы Гамбиядән ерак тегел урнашкан.

Очрашу тәмамланганда Яйя Джамме киләчәктә дә Татарстанга килү мөмкинлегенә ышанычын белдерде.