Марат Әхмәтов: Республика кырлары туфракта дым җитмәү сәбәпле җәфа чигә

Татарстан Республикасы авыл хуҗалыгындагы хәлләр турында бүген республика киңәшмәсендә ТР Премьер-министры урынбасары – ТР авыл хуҗалыгы һәм азык-төлек министры Марат Әхмәтов хәбәр итте. Сүз язгы-кыр эшләренең тәмамлануы һәм чәчүлекләрдәге хәлләр хакында барды.
Киңәшмә гадәттәгечә ТР Хөкүмәт Йортында узды, аны Татарстан Республикасы Премьер-министры Илдар Халиков алып барды.

"15 нче майдан 15 июньгә кадәр 13 муниципаль берәмлектә 10 мм азрак явым-төшем булды, 7 районда хәл тагын да катлаулы, анда 5 мм кимрәк явым-төшем булды. Бүген туфракта дым җитмәүдән бөтен республика җәфа чигә. Татарстан югары атмосфера басымы зонасына туры килде", - диде ТР Авыл хуҗалыгы һәм азык-төлек министрлыгы башлыгы.

Марат Әхмәтов авыл хуҗалыгы оешмалары җитәкчеләренә чәчүлекләрне иминиятләштерергә тәкъдим итте. "Иминиятләштерү бәясе 1 га уртача 300 сум. Чәчүлекләрне иминиятләштерү вакыты чәчүлек төгәлләнеп, 15 көннән соң тәмамлана", - диде ул.

Шулай ук Марат Әхмәтов хәбәр иткәнчә, хәзер терлек азыгын әзерләүгә аерым игътибар бирергә кирәк. Бүгенгә республикада 71 мең тонна печәнбар. Буа, Кайбыч, Апас, Нурлат, Чүпрәле һәм Әлки районнарында эшләр югары темп белән алып барыла, дип белдерде ул.