ТР Хөкүмәте Йортында узган киңәшмәдә икътисадның тотрыклы үсешен тәэмин итү чаралары турында фикер алыштылар
Татарстан Республикасы икътисадының тотрыклы үсешен тәэмин итү буенча чараларны гамәлгә ашыру турында Татарстан Республикасы икътисад министрының беренче урынбасары Олег Пелевин Татарстан Республикасы Хөкүмәте Йортында узган киңәшмәдә хәбәр итте. Киңәшмәне Татарстан Премьер-министры Алексей Песошин уздырды.
Республикада социаль әһәмияткә ия булган төп товарларга, беренче чиратта кирәк булган товарларга оператив мониторинг һәм бәяләрне контрольдә тоту дәвам итә. Ваклап сату объектлары штат режимында эшли һәм беренче чиратта кирәкле товарлар белән тәэмин ителгән. Кибетләргә һәм бүлү үзәкләренә даими рәвештә товарлар китерү оештырылган.
Татарстан Республикасының система барлыкка китерүче оешмаларының торышына мониторинг даими рәвештә алып барыла. 16 июньгә Россия икътисадының система барлыкка китерүче оешмаларының федераль исемлегенә Татарстанның 60 оешмасы кергән. Бер атна эчендә ташламалы кредит бирү программасы буенча Россия икътисадын барлыкка китерүче оешмаларның әйләнештәге акчаларын тулыландыруга 3,2 млрд. сумлык 1 яңа гариза бирелгән. Элек бирелгән гаризалар буенча 500 млн. сум хупланган һәм 64 млн. сум бирелгән.
Республикада кече һәм урта эшкуарлыкка ярдәм итү буенча чаралар комплексы гамәлгә ашырыла. Федераль ярдәм чаралары буенча узган атнада республика эшкуарлары тарафыннан 1,5 млрд. сумлык 107 гариза бирелгән. Бер атна эчендә 1,6 млрд. сумлык 17 гариза хупланган. Республика ярдәм чаралары кысаларында узган атнада 102 млн сумлык 46 гариза бирелгән. 58 млн. сумлык 29 гариза хупланган.
Республика Маркетинг үзәге уңышлы эшләп килә, аның базасында импортны алыштыру өчен ресурс булдырылган, анда бөтен илдән заказчылар үз җитештерүчеләребез яки Россия Федерациясенә үз товарларын җибәрүне чикләмәгән дустанә илләрдән җитештерүчеләр җитештерә торган кирәкле продукциянең аналогларын таба ала. Атна эчендә элек сатып алына торган продукция исемлеге 255 позициягә тулыланган, 578 позициягә алыштыру буенча тәкъдимнәр кертелгән.