Рөстәм Миңнеханов "КАМАЗ"ның яңа эшләнмәләре белән танышты

Металл эшкәртү өчен яңа лазер станокларын, шулай ук граждан һәм хәрби билгеләнештәге модельләрне бүген Чаллыга эш визиты кысаларында Татарстан Республикасы Президенты Рөстәм Миңнехановка күрсәттеләр.

Пресс-рама заводында Татарстан Республикасы Президенты металл эшкәртү өчен яңа лазер станоклары белән танышты. Инженерлар сүзләренчә, лазерларны гамәлгә кертү "КАМАЗ"га 174 миллион сумга төште, ә ел ярым эчендә аларны куллану 320 миллион сумнан артыграк экономия бирде. Металл куллану коэффициенты 55%тан 75%ка кадәр артты.

Мәйданчыкта "КАМАЗ"ның фәнни-техник үзәкләре белән янәшә Рөстәм Миңнеханов "хәрби" гаиләдән булган "Тайфун" яңа машинасында рульгә утырды, ул ике шундый машинаны йөретеп карады. Кыска тест-драйвтан соң Татарстан Республикасы Президенты броневикларның йөреш сыйфатын югары бәяләде.

ФТҮ бинасында Рөстәм Миңнехановка яңа дүрт күчәрле йөк машинасы күрсәттеләр, аның тулы массасы 80 тоннага җитәргә мөмкин. Гибрид көч җайланмасы да - перспектив эшләнмә, ул арткы көпчәкләрне хәрәкәткә китерә торган эчке янулы традицион двигательдән һәм бәйсез элмәдәге алгы көпчәкләргә урнаштырылган электр двигателеннән тора, установленные на передних колесах на новой независимой подвеске. Инженерлар сүзләренчә, гибрид көч җайланмасы ягулыкны 20-25%ка экономияли һәм суммар максималь куәтне эчке янулы “чиста” двигатель белән чагыштырганда 20%ка арттыра.

"КАМАЗ"ның гендиректоры Сергей Когогин Татарстан Президентына полигоны һәм сынау треклары булган автомобиль үзәге проектын тәкъдим итте. Аннары Рөстәм Миңнеханов "КАМАЗ-Мастер" командасы базасына юнәлде, анда Татарстанның иң уңышлы ярышлар коллективының 25 еллыгын бәйрәм итүдә катнашты.