Рөстәм Миңнеханов РИРА (АИРР) комитетлары җитәкчеләренең чираттан тыш утырышын уздырды

Татарстан Республикасы Президенты - Россия Инновацион регионнар ассоциациясе Советы Рәисе Рөстәм Миңнеханов Новосибирскка эш визиты кысаларында Россия Инновацион регионнары ассоциациясе комитетлары җитәкчеләренең чираттан тыш җыелышын уздырды. Утырышта шулай ук Новосибирск өлкәсе губернаторы Василий Юрченко да катнашты.
Утырышны ачып, Рөстәм Миңнеханов хәбәр иткәнчә, РИРА составына яңа, 13 нче регион - Алтай крае өстәлгән. Ассоциация башкарма директоры вазыйфасына Иван Бортник яңадан сайланды, РИРАның ВЭБ белән хезмәттәшлеге турында килешүгә имза салынды. Татарстан Республикасы Президенты сүзләренчә, комитетлар җитди эш башкарган. Федераль контакт системасы турындагы законны гамәлгә кертү өчен “сынау” регионнары итеп сайлап алынган 7 регион арасында 6 регион РИРАдан.
Россия Инновацион регионнары ассоциациясе башкарма директоры Иван Бортник 2013 елдагы халыкара эшчәнлек һәм 2014 елга планнар турында хәбәр итте. И.Бортник сүзләренчә, якын араларда РИРА делегациясе Рөстәм Миңнеханов җитәкчелегендә АКШка барачак, визит барышында АКШ штатлары губернаторлары милли ассоциациясе белән килешү төзү планлаштырыла. РИРАның халыкара килешүләре бар инде, Ивана Бортник фикеренчә, аларны конкрет эчтәлек белән тулыландырырга кирәк.
Ассоциация комитетлары җитәкчеләре агымдагы эш барышы һәм киләчәк планнар белән таныштырдылар. Рөстәм Миңнеханов хезмәттәшләренә башкарган эшләре өчен рәхмәт белдерде, бүгенге утырышта әйтелгән тәкъдимнәрне берләштерергә кушты, киләчәктә РИРА исеменнән бу тәкъдимнәр белән федераль хакимият органнары алдында чыгыш ясарга кирәк булачак, диде. Шулай ук Ассоциация Советы Рәисе РИРАның төрле инновацион форумнарда катнашу мөһимлеген һәм аларга тиешенчә әзерләнергә кирәклекне ассызыклады.