Илдар Халиков Анатолий Щеповских белән хушлашу чарасында катнашты

Бүген Татарстан Республикасы Премьер-министры Илдар Халиков Анатолий Иванович Щеповских белән хушлашу чарасында катнашты. Бу чара Габдулла Тукай исемендәге Татар дәүләт филармониясе бинасында узды.
Искә төшерәбез, Түбән Кама муниципаль районы башлыгының әйләнә-тирә мохитне саклау мәсьәләләре буенча киңәшчесе, элеккеге Татарстан экология һәм әйләнә-тирә мохитне саклау министры Анатолий Щеповских 2013 нче елның 4 нче сентябрендә 69 нчы яшендә кинәт вафат булды.

Бүген туганнары, якыннары һәм коллегалары белән бергә бөтен республика элеккеге ТР экология һәм әйләнә-тирә мохитне саклау министры, төбәк экологиясен саклау системасын төзегән һәм булдырган, һәм аның белән аралашкан барлык кешеләрнең йөрәкләрендә һәм күңелләрендә эз калдырган кеше вафат булу сәбәпле, авыр кайгы кичерә, диде хушлашу чарасында чыгыш ясап, Татарстан Министрлар Кабинеты башлыгы Илдар Халиков.
Анатолий Щеповских Татарстан җиренә бүген без горурлана алырлык бик күп нәрсә калдырган. Бу - “Татарстанның Кызыл китабы”, “Татарстанның Яшел китабы”, бүген кулланыла һәм киләчәктә дә кулланылачак экология өлкәсендәге закон чыгару проектлары, дип искә төшерде Илдар Халиков.

Илдар Халиков сүзләренчә, Анатолий Щеповских демократик һәм шул ук вакытта принципиаль, ярдәмчел , табигатькә каршы чыгучы һәм экологик законнарны бозучы барлык кешеләргә карата кырыс, һәрвакыт үз коллегалары өчен кирәкле сүзләр таба алучы кеше иде һәм ул шундый булып истә калачак.

ТР Премьер-министры Татарстан Президенты Рөстәм Миңнеханов, ТР Хөкүмәте һәм Дәүләт Советы исеменнән Анатолий Щеповскихның туганнарына һәм якыннарына кайгы уртаклашу сүзләрен җиткерде.
“Кадерле коллегабыз, авыр туфрагың җиңел булсын! Без сине һәрвакыт истә тотачакбыз”, - диде хушлашу чарасында Илдар Халиков.

Белешмә өчен:
Анатолий Щеповских 1945 елның 15 гыйнварында Оренбург өлкәсенең Бозаулык районы Сухоречка авылында туа. Хезмәт эшчәнлеген 1963 елда педагогия училищесен тәмамлаганнан соң, Сухоречка мәктәбендә укытучы булып башлый.
1964-1967 елларда Совет Армиясендә хезмәт итә.
!974 елда Мәскәү нефть химиясе һәм газ сәнәгате иститутын тәмамлый.
1993 елда ТР табигый байлыкларны һәм әйләнә-тирә мохитне саклау министры итеп билгеләнә, ә 2001 елдан ТРның экология һәм табигый байлыклар министры урынбасары буларак эшен дәвам итә.
Соңгы елларда ул Түбән Кама муниципаль районының әйләнә-тирә мохитен сәламәтләндерү мәсьәләләре белән актив шөгыльләнә.
Анатолий Щеповский Татарстан Республикасының Мактау грамотасы, “Казанның 1000-еллыгы истәлегенә” медале, Татарстан Республикасы Президентының Рәхмәт хаты белән бүләкләнә, “Россия Федерациясенең атказанган экологы” дигән мактаулы исемгә лаек була.