Рөстәм Миңнеханов: Казанлыларның игътибарын Агропросәнәгать паркына җәлеп итәргә кирәк

Бүген Татарстан Республикасы Президенты Рөстәм Миңнеханов Хөкүмәт Йортында узган республика киңәшмәсендә казанлыларның игътибарын Агропросәнәгать паркына (Казан, Аграр ур., 2) җәлеп итүне тәкъдим итте.
Киңәшмә гадәттәгечә, Татарстан Республикасының барлык мунициципаль районнары белән җәлеп итеп, видеоконференцэлемтә режимында узды.
Республика басуларында урып-җыю компаниясе тәмамлану турындагы нотык белән Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов чыгыш ясады.
Рөстәм Миңнеханов билгеләп үткәнчә, бүген казанлылар һәм якын-тирәдәге районнар кешеләре арасында Агропросәнәгать паркы кебек үзебезнең авыл хуҗалыгы җитештерүчеләре товарларын сату нокталарын популярлаштырырга кирәк. Аерым алганда, ул бу проектка ярдәм итү өчен медиа оештырырна, бу эшкә ММЧын чакырырга, җирле телеканаллар мөмкинлекләреннән файдаланырга тәкъдим итте.
Шәһәр кешеләренең Агропромпаркка килүләрен активдаштырырга кирәк, дип белдерде Татарстан Республикасы Президенты. Ул Агропросәнәгать паркы территориясендә шәһәр чараларын уздырырга тәкъдим итте.
Рөстәм Миңнеханов җиткергәннәренчә, шәһәрлеләргә уңай булсын өчен бүген Агропросәнәгать паркына кадәр шәһәр транспорты йөри - өч маршрут, шул исәптән “Җиңү проспекты” аша да.
Белешмә өчен:
Россиядә аналогы булмаган күп функцияле “Казан” Агропросәнәгать комплексы 2013 елның 11 маенда ачылды.
Оештыручылар фикере буенча, Агропросәнәгать паркы (Казан, Аграр ур., 2) – авыл хуҗалыгы өлкәсендәге эшкуар җитештерүчеләре белән яңа форматтагы мөнәсәбәтләргә кору өчен оештырылган комплекс. Төп максаты – авыл хуҗалыгы җитештерүчеләренә үз продукциясен җитештерү, саклау һәм сату өчен мәйданчыкларны арендага тапшыру.