Илдар Халиков Питрәчтә яңа спорт мәйданчыгын ачты

Бүген Татарстан Премьер-министры Илдар Халиков Питрәчтә Бөек Ватан сугышы ветераннарының тол калган хатыннарына яңа фатирлардан ачкычлар тапшырды һәм яңа спорт мәйданчыгын ачты.

Бүген 7 гаилә, шул исәптән Бөек Ватан сугышы ветераннарының тол калган дүрт хатыны Җиңүнең 65 еллыгы урамындагы 10 нчы йорттан яңа фатир ачкычлары алды. Аларга яңа фатир ветераннарны торак белән тәэмин итү программасын гамәлгә кертү кысаларында бирелде.

Яңа фатир алучыларны котлап, ТР Премьер-министры, үз торагыңны алу – ул һәр кешенең озак еллар исендә кала торган вакыйга, диде. “Республикада мондый вакыйгаларның күп булып торуы шатландыра”,-дип белдерде ул. Ветераннарны торак белән тәэмин итү программасы буенча 17 мең Татарстанлының фатир алуын искә төшерде.
“Бүген җылы фатирларга ия булучыларны котлыйм”,-диде Илдар Халиков һәм озын гомер теләп, ветераннарның тол калган хатыннарына фатир ачкычлары тапшырды.

Татарстан Премьер-министр Питрәчтә реконструкцияләнгән балалар мәйданчыгында да булды. Ул авыл үзәгендә урнашкан һәм республика һәм муниципалитет акчаларына ремонтланган һәм җиһазландырылган.

“Төзүчеләр монда чын әкият ясаганнар, - диде Илдар Халиков, спорт мәйданчыгын ачу бәйрәмендә чыгыш ясап,- республикабызның теләсә кайсы почмагында спорт белән шөгыльләнү һәм уңайлы тормыш өчен шартлар булдырылуы шатлыклы хисләр тудыра”.

Объектларда булганнан соң, Татарстан Премьер-министры Питрәч муниципаль районы Советы сессиясендә катнашты.