Татарстан Республикасы Президенты республика энергия системасының диспетчер үзәгендә булды

Бүген Татарстан Республикасы Президенты Рөстәм Миңнеханов “Бердәм энергетика системасының система операторы” “Татарстан Республикасы энергия системасының региональ диспетчер идарәсе” ААҖ филиалының яңа диспетчер үзәгендә булды. Татарстан Республикасы Президентын әлеге визиты барышында “Бердәм энергетика системасының система операторы” ААҖ Идарәсе рәисе Борис Аюев, “СО ЕЭС” ААҖнең Татарстан РДУ филиалы директоры Эдуард Галиев, “Сетевая компания” ААҖ җитәкчеләре, СИГРЭ Административ советы әгъзалары озатып йөрде, СИГРЭ утырышы бу көннәрдә Казанда уза.
Визит барышындагы тантанада Татарстан Республикасы Президенты Рөстәм Миңнеханов “Татарстан Республикасының Атказанган энергетигы” тамгасын “Бердәм энергетика системасының система операторы” ААҖ Идарәсе рәисе Борис Аюевка, Татарстан РДУ директоры Эдуард Галиевкә һәм Татарстан РДУ директорының беренче урынбасары Валерий Кандалинцевка тапшырды. Татарстан Республикасының Атказанган энергетигы исеме Система операторы Һәм Татарстан РДУ җитәкчеләренә Казан шәһәрендәге 2013 елгы XXVII Бөтендөнья җәйге универсиадасы барышында энергетика иминлеген тәэмин итүгә керткән өлешләре өчен бирелде.
Очрашу барышында Борис Аюев һәм Эдуард Галиев Татарстан Президентын республика энергетика системасының агымдагы торышы һәм үсеш перспективалары белән, энергия системасының оператив-диспетчер идарәсендә кулланыла торган заманча технологияләр, “СО ЕЭС” ААҖнең Татарстан РДУ филиалының диспетчер үзәге мөмкинлекләре белән таныштырдылар.
Диспетчер үзәген төзү 2013 елның сентябрендә тәмамланды. Яңа диспетчер үзәге Казанның тарихи үзәгендә өч катлы бинада урнашкан: Шиһабетдин Мәрҗани ур., 64.
Диспетчер залында Татарстан Республикасының энергия системасына тәүлек буена идарә ителә, анда 18 видеопроекцион куб нигезендә зур диспетчер щиты урнаштырылган. Әлеге заманча видеостена , Татарстан Республикасы энергия системасыны объектларының торышы турында мәгълүматның кирәкле күләмен, төгәллеген һәм оперативлыгын тәэмин итә.
Диспетчер үзәгендә инженер җайланмаларының эшчәнлеге иминлегенең һәм аны системалы мониторинглауның интегрирацияләнгән системасы бар. Төгәлрәк мәгълүмат түбәндәге сайтта: www.so-ups.ru