Рөстәм Миңнеханов: "Сочидагы форумда без яңа партнерлар һәм яңа багланышлар эзлибез"

"Сочи-2013" халыкара инвестицион форумы - эшлекле очрашулар, яңа элемтәләр һәм эшлекле партнерлар эзләү өчен әйбәт мәйданчык ул. Мондый фикерне бүгенТатарстан Республикасы Президенты Рөстәм Миңнеханов журналистларга биргән интервьюсында әйтте.

“Быел без махсус рәвештә форумга эшкәртү, нефть химиясе, машина төзелеше комплексындагы инвестицион проектларыбызны алмадык, - диде Рөстәм Миңнеханов. – алар урынына без стендта инжиниринг үзәкләренең инновацион проектларын алып килдек".

"КАИ-Лазер" инжиниринг үзәге җепсел лазерлар җитештерү өлкәсендә бөтендөнья лидеры булган IPG Photonics компаниясе белән берлектә булдырыла. "Эйдос" медицина үзәге медицина тренажерларын эшләү һәм җитештерү белән шөгыльләнә. Татарстан Республикасы Президенты сүзләренчә, үзәкнең эшләнмәләре Россиягә генә түгел, чит илләргә дә җибәрелә. "Билгеле, без нефть химиясе республикасы, шуңа күрә дә без технологик университет базасында инжиниринг үзәге булдырырга планлаштырабыз", - дип ассызыклады Р. Миңнеханов.

"Форум барышында безнең очрашулар бик күп булды. Бүген без Вексельберг әфәнде белән, очрашып, фикер алыштык, кичә - француз компанияләре белән, - дип хәбәр итте Татарстан Президенты. – Бүген без партнерлар, яңа элемтәләр эзлибез, һәм "Сочи-2013" форумы – очрашулар һәм аралашулар өчен бик уңайлы мәйданчык".