Татарстан Республикасы Хөкүмәте

ТРның Лаеш районында яңа участок полиция хезмәткәрләре йорты ачылды

2013 елның 11 октябре, җомга

Бүген Татарстан Республикасының Лаеш районы Сокуры авылында участок полиция хезмәткәрләре өчен административ-торак комплексын ачу тантанасы узды. Бу тантаналы чарада Татарстан Республикасы Премьер-министры Илдар Халиков, РФ Эчке эшләр министрлыгының җәмәгатьчелек тәртибен саклау һәм РФ субъектларының башкарма хакимияте органы белән үзара бәйләнешләрне координацияләү буенча баш идарәсе җитәкчесе Юрий Демидов, ТР буенча эчке эшләр министры Артем Хохорин һәм Лаеш район хакимияте башлыгы Михаил Афанасьев катнашты.

Участок полиция хезмәткәрләре өчен административ-торак комплексын төзү программасы Татарстанда быелгы елдан гамәлгә ашырыла. Бу бинаның гомум мәйданы 95,03 кв.м тәшкил итә, аның 21,82 кв.м мәйданында полиция участок пункты урнашкан, ә 73,21 кв.м - торак йорт.

Бүген яңа административ-торак комплексы ачылышында, Татарстан Премьер-министры Илдар Халиков үзенең чыгышында, республикада, шәһәрләрдә генә түгел, ә бәлки һәм авыл җирләрендә дә төрле социаль программаларның гамәлгә кертелүен белдерде. “Әмма бүгенге вакыйга үзенә бер төрле,-дип ассызыклады ул. Авыл җирлегендә участок полиция хезмәткәре – ул хокук тәртибен саклау органы вәкиле генә түгел, ә хакимиятнеке дә. Участок полиция хезмәткәренә халык шундый мөнәсәбәттә”.

Илдар Халиков төзүчеләргә, ТР буенча эчке эшләр министры Артем Хохоринга рәхмәт белдерде һәм бу программаның тиз һәм тулысынча гамәлгә ашырылуын теләде.

Юрий Демидов участок полиция хезмәткәре Илдар Фәйзовны яңа йортка күченүе белән котлады һәм хезмәтендә уңышлар теләде.

ТР Президенты матбугат хезмәте. Михаил Миронов

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

ТР экология һәм табигый байлыклар министры Азат Җиһаншин санитар-экологик ике айлыкның арадаш йомгакларын тәкъдим итте

Бүген Татарстан экология һәм табигый байлыклар министры Азат Җиһаншин Татарстан Республикасы Хөкүмәте Йортында узган киңәшмәдә санитар-экологик ике айлыкның арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов уздырды, видеоконференцэлемтә режимында киңәшмәдә республиканың барлык муниципаль районнары катнашты.

Татарстанда 24 муниципалитетта 296 күп фатирлы йортка капиталь ремонт ясауга керешкәннәр, барлыгы 706 күп фатирлы йортка ремонт ясалачак

Татарстан Республикасында 24 муниципаль берәмлектә 296 күп фатирлы йортка капиталь ремонт ясауга керешкәннәр. Быел 41 муниципаль берәмлектә барлыгы 706 күп фатирлы йортка капиталь ремонт ясалачак. 6 муниципаль берәмлектә 44 йортта 99 лифт алмаштыру каралган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне Татарстан Рәисе Рөстәм Миңнеханов үткәрде. Бүген киңәшмәдә Еврей автономияле өлкәсеннән (ЕАӨ) коллегалар катнаша – бу өлкәдән делегация тәҗрибә уртаклашу өчен республикага эш сәфәренә килгән.

апрель, 2026 ел

Казанга Кытай Халык Республикасы Оборона министры Дун Цзюнь килде

Бүген Казанга Кытай Халык Республикасы (КХР) Оборона министры дун Цзюнь килде. Г. Тукай исемендәге «Казан» халыкара аэропортында кунакны Татарстан Республикасы Премьер-министры Алексей Песошин, КХРның Казандагы Генераль консуллыгы вәкилләре, башка рәсми затлар каршы алды.

ТР Хөкүмәте Йортында ТР телләре турындагы законнарны гамәлгә ашыру советы һәм Габдулла Тукайның 140 еллыгын бәйрәм итү буенча оештыру комитетының уртак утырышы узды

Бүген Татарстан Республикасы Хөкүмәте Йортында Татарстан Республикасы Министрлар Кабинеты каршындагы Татарстан Республикасы телләре турындагы законнарны гамәлгә ашыру советының һәм Габдулла Тукайның тууына 140 ел тулуны бәйрәм итүгә әзерлек һәм аны үткәрү буенча оештыру комитетының уртак утырышы узды. Утырышны Татарстан Республикасы Премьер-министры Алексей Песошин алып барды.

ЯҢАЛЫКЛАРГА ЯЗЫЛУ