Татарстан Республикасында күп фатирлы торак йортларны капиталь ремонтлау 99,8%ка үтәлгән

Татарстан Республикасында күп фатирлы торак йортларга капиталь ремонт ясау 99,8%ка үтәлгән. 33 муниципаль берәмлектә капиталь ремонт эшләре тулысынча төгәлләнгән. Бу хакта бүген Татарстан Республикасы Хөкүмәте Йортында узган республика киңәшмәсендә ТР төзелеш, архитектура һәм торак-коммуналь хуҗалык министры Ирек Фәйзуллин хәбәр итте. Киңәшмә Татарстанның барлык муниципаль районнары белән видеоконференцэлемтә режимында үтте, аны Татарстан Республикасы Премьер-министры Илдар Халиков уздырды.

Ирек Фәйзуллин белдергәнчә, капиталь ремонт буенча 842 йортның 831ендә эшләр төгәлләнгән. Шуларның 665 Дәүләт торак инспекциясе тарафыннан кабул ителгән. Капиталь ремонтка фатир хуҗаларының акчасы 75% күләмендә күчерелгән.
2014 елда күп фатирлы торак йортларга капиталь ремонт программасына килгәндә, ул 4,709 млрд. сум күләмендә формалаштырыла.

Мәктәпләргә капиталь ремонт ясау буенча төп эшләр Татарстанда 160 гомуми белем бирү һәм 7 коррекцияләү мәктәпләрендә тәмамланган.
2014 елда республикада 160 мәктәптә (152 гомуми белем бирү һәм 8 коррекцияләү) 2,5 млрд. сумга капиталь ремонт ясау планлаштырыла.

“Чиста су” республика программасын гамәлгә ашыру кысаларында Газлаштыру фонды тарафыннан 100% су үткәргечләр уздырылган (286,2км). 2013 ел планыннан 100% артезиан скважиналары борауланган (25 скважина).

Ирек Фәйзуллин “Халык контроле” мәгълүмат системасының эше турында җентекләп сөйләде.

Татарстан Премьер-министры Илдар Халиков муниципаль район башлыкларын балалар бакчалары төзелеше программасына аерым игътибар итәргә чакырды. Ул шулай ук, Татарстан Республикасы Президенты Рөстәм Миңнеханов тарафыннан куелган бурыч - 2014елның 1гыйнварына киләсе елга төзелеш программасы буенча барлык кирәкле документларны эшләүне искә төшерде.