Минтимер Шәймиев “Мицуи” япон компаниясе вәкилләре белән очрашты

Бүген Татарстан Республикасы Дәүләт киңәшчесе Минтимер Шәймиев “Мицуи” (Япония) компаниясе вәкилләре белән очрашты: проектларны үстерү буенча башкарма директор Сугавара Масато, Индустриаль проектлар департаменты генераль менеджеры Исии Есихико, проектларны үстерү буенча өлкән менеджер Накадзима Каори, Индустриаль проектлар департаменты менеджеры Марат Халилюлин белән.

“Мицуи” компаниясе делегациясе Татарстанга “Казаноргсинтез” ААҖ оешуга 55 ел һәм беренче продукция чыгаруга 50 ел тулуга багышланган юбилей чараларында катнашу өчен килде. “Мицуи” компаниясе белән “Казаноргсинтез” ААҖ ен күпьеллык хезмәттәшлек бәйли, мәсәлән, 2005 елда бисфенол һәм поликарбонат җитештерүче комплекс булдыру буенча проект бергә гамәлгә ашырыла.

Сугавара Масато ТР Дәүләт Киңәшчесенә очрашу өчен рәхмәт белдерде һәм Такэхиро Тогодан изге теләкләр җиткерде, ә ул Татарстанда берничә тапкыр булган һәм Минтимер Шәймиев белән Япониянең Россиядәге Гадәттән тыш һәм Тулы вәкаләтле вәкиле, һәм шулай ук “Мицуи” стратегик тикшеренүләр институтының Өлкән киңәшчесе сыйфатында очрашкан булган. Минтимер Шәймиев Тахэкиро Того белән хәзер дә, Татарстан белән Япония өчен файдалы булган уртак эшчәнлек вакытында алар арасында туган эшлекле һәм дустанә мөнәсәбәттә булуын белдерде.

Очрашу барышында “Мицуи” белән Татарстан компанияләренең хезмәттәшлек перспективалары турында фикер алыштылар. Минтимер Шәймиев кунакларга Татарстанның хәзерге социаль-икътисади үсеш үзенчәлекләре һәм яңа инновацион проектлар турында сөйләде, аларда Татарстанлылар ышанычын яулаган “Мицуи” компаниясенең дә катнашу мөмкинлеге бар.